Book Name:Ala Hazrat Aur Naiki Ki Dawat
خوږو او محترمو اسلامي ورونړو ! راځئ ! د ملفوظاتِ اعلیٰ حضرت نه يو بل معلوماتي سوال او جواب اورو:
پوښتنه اوشوه: د مُجَاهَدې څه معنٰی دہ؟
سيّدي اعلیٰ حضرت رَحْمَةُ اللهِ عَلَيْه د دې په جواب کښې اوفرمائيل: ټوله مُجَاهَده په دې آيت مبارک کښې راجمع کړے شوې ده:
وَ اَمَّا مَنْ خَافَ مَقَامَ رَبِّهٖ وَ نَهَى النَّفْسَ عَنِ الْهَوٰىۙ فَاِنَّ الْجَنَّةَ هِیَ الْمَاْوٰىؕ (پارہ:30 ،سورۂ نازعات:40 ،41 )
ترجمۀ کنزُ الايمان: او هغه چې د خپل رَبّ په حُضُور کښې د اودريدو نه وَيَريدو او نفس ئې د خواهش نه منع کړو نو بے شکه جنّت ئې ځائے دے۔
(يعني د قيامت په ورځ د الله پاک په بارګاه کښې د وړاندې کيدو نه ويريدل او خپل ځان د نفس د خواهشونو نه بچ ساتل، دا مُجَاهَده ده)۔ سيّدي اعلیٰ حضرت رَحْمَةُ اللهِ عَلَيْه نور اوفرمائيل: دا جهادِ اَکبَر (يعني د ټولو نه غټ جهاد) دے۔ په حديثِ پاک کښې دي: د کافِرانو سره د جهاد نه پس په واپس راتلو سرکارِ عالي وقار، مکي مدني تاجدار صَلَّى اللهُ عَلَيْهِ وَاٰلِهٖ وَسَلَّم اوفرمائيل: رَجَعْنَا مِنَ الْجِہَادِ الْاَصْغَرِ اِلَی الْجِہَادِ الْاَکْبَر مونږ د خپل وړوکي جهاد نه د غټ جهاد په لور راوګرځيدو۔ ([1])
سرکار صَلَّى اللهُ عَلَيْهِ وَاٰلِهٖ وَسَلَّم په (خلقو) خوري
دې لړ کښې اعلیٰ حضرت رَحْمَةُ اللهِ عَلَيْه اوفرمائيل: د يو صاحب اَنار خوړلو ته زړه اوشو، 30 کاله تير شول خو هغوئي اَنار اونه خوړلو، 30 کاله پس يوه ورځ هغوئي ته په خوب کښې د رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم زيارت نصيب شو، محبوبِ خُدا، امامُ الانبيا صَلَّى اللهُ عَلَيْهِ وَاٰلِهٖ وَسَلَّم اوفرمائيل: اِنَّ لِنَفْسِکَ عَلَیْکَ حَقًّا بے شکه ستا د نفس هم په تا باندې څه حق دے۔ دا صاحب سحر پاڅيدو او اَنار ئې اوخوړلو۔ اوس نفس د پئيو (شودو) خواهش اوکړو، په دې باندې د الله پاک دې نيک بنده خپل نفس پوهه کړو او اوئې وئيل: (لکه څنګه چې تا د اَنار خوړلو د پاره 30 کاله خواهش اوکړو، داسې د پئيو (شودو) د پاره هم) 30 کاله خواهش اوکړه، کيدے شي چې بيا حُضُور صَلَّى اللهُ عَلَيْهِ وَاٰلِهٖ وَسَلَّم تشريف راوړي او د پئيو (شودو) څکلو حکم اوفرمائي، (بيا به تا ته پئي (شوده) هم