سینہ تیری سنَّت کا مدینہ بنے آقا !          جنت میں پڑوسی مجھے تم اپنا بنانا

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

بھاؤ  ( Price ) کم کروانا سُنَّتِ مصطفےٰ ہے

فرمانِ آخِری نبی ، رسولِ ہاشمی صَلَّی اللہ عَلَیْہِ وَاٰلِہٖ وَسَلَّم  : اللہ پاک اُس شخْص پر رَحْم فرمائے جو بیچنے اور خریدنے میں آسانی کرے۔ ^{( [1] )}

اے عاشقانِ رسول  ! کوئی بھی چیز خریدتے وقت قیمت کم کروانا سنّت ہے۔ ^{( [2] )}   * اعلی حضرت ، امام اہلسنت   رَحْمَۃُ اللّٰہ عَلَیْہِ  فرماتے ہیں : بھاؤیعنی ( Price ) میں کمی کے لئے حجّت  ( یعنی بحث و تکرار )  کرنا بہتر ہے بلکہ سنّت ہے ^{( [3] )} * ایک بار حضرت سُوَیْد بن قَیْس رَضِیَ اللّٰہُ عَنْہُ کپڑا لے کر مکہ مکرمہ آئے تو پیارے آقا ، مکی مدنی مصطفےٰ صَلَّی اللہ عَلَیْہِ وَاٰلِہٖ وَسَلَّم  نے ان سے کچھ کپڑے خریدے۔ حضرت سُوَیْد بن قَیْس رَضِیَ اللہ عَنْہُ کے فرمان کا خُلاصہ ہےکہ رسولِ اکرم ، نورِ مجسم صَلَّی اللہ عَلَیْہِ وَاٰلِہٖ وَسَلَّم  نے ہم سے قیمت کم کروائی اور کپڑاخریدفرمایا۔ ^{( [4] )} * امام غزالی  رَحْمَۃُ اللّٰہ عَلَیْہِ  فرماتے ہیں : کمزور ( مثلاً بوڑھے ) یا فقیر ( یعنی غریب ومحتاج )  سے کوئی چیز خریدے تو اس پر آسانی کرتے ہوئے اس سے مہنگی چیز خریدے ،  یہ نیکی کا کام ہے۔ ^{( [5] )}   * بعض خریدار ریٹ کم کروانے کے لئے اور دُکاندار ریٹ کم نہ کرنے کے لئے جھوٹ بولتے بلکہ بعض تو جھوٹی قسم بھی کھا لیتے ہیں ، یہ گُنَاہ و حرام  اور جہنّم میں