حضرت عبدُ اللّٰہ بن عباس رَضِیَ اللّٰہُ عَنْہُما سے مروی ہے کہ ان دس راتوں سے مراد ذِی الْحِجَّہ کی پہلی دس راتیں  ہیں  کیونکہ یہ زمانہ حج کے اعمال میں  مشغول ہونے کا زمانہ ہے۔ ^([1])

اَلْحَمْدُ لِلّٰہ! احادیثِ مبارکہ میں بھی مختلف مقامات پر ان دس دنوں اور راتوں کے فضائل بیان ہوئے ہیں۔ آئیے! ترغیب کے لئے 5فرامینِ مصطفے سنتے ہیں، چنانچہ

ذو الحجہ کے پہلے دس دنوں کے فضائل پر مشتمل 5روایات

  * فرمانِ آخری نبی ،  رسولِ ہاشمی صَلَّی اللّٰهُ عَلَیْهِ وَ آلِهٖ وَ سَلَّم  : اللہ پاک کے نزدیک کوئی بھی دن عشرۂ ذِی الْحِجَّہ سے زیادہ نہ عظیم ہے اور نہ ان دنوں سے بڑھ کر کسی دن کا نیک عمل اسے محبوب ہے، لہٰذا ان دنوں میں تہلیل(یعنی لَااِلٰہَ اِلَّا اللہ)، تکبیر (یعنی اللہ اَکْبَر)اور تحمید(یعنی اَلْحَمْدُ لِلّٰہِ) کی کثرت کرو۔ ^([2])   * پیارے آقا،  مدینے والے مصطفےٰ صَلَّی اللّٰهُ عَلَیْهِ وَ آلِهٖ وَ سَلَّم نے فرمایا  : اللہ پاک کے نزدیک عشرۂ  ذِی الْحِجَّه کے دنوں سے افضل کوئی دن نہیں۔ ^([3])  * ترمذی  شریف کی حدیث مبارکہ میں ہے : جن دنوں  میں اللہپاک کی عبادت کی جاتی ہے ، ان میں  سے کوئی دن ذِی الْحِجَّه کے دس دنوں  سے زیادہ پسندیدہ نہیں،  ان میں سے(دس ذِی الْحِجَّه کے علاوہ) ہر دن کا روزہ ایک سال کے روزوں اور(دس ذِی الْحِجَّه سمیت)ہر رات کا قیام لَیْلَۃُ الْقَدْر کے قیام کے برابر ہے۔ ^([4])   * سرکارِ مدینہ، راحتِ قلب و سینہ صَلَّی اللّٰہُ عَلَیْہِ واٰلِہٖ وَسَلَّمَ نے فرمایا : اللہ پاک کے نزدیک حج کے ان دس دنوں سے افضل اور پسندیدہ کوئی دن نہیں