کے مُعامَلے میں مِیانہ رَوی سے کام لینا چاہئے اور گوشت کے نقصان دَہ اَثرات کو کم کرنے کے لئے اس کے ساتھ سبزیوں(Vegetables)کا استعمال  ضرور رکھئے۔  آئیے!  گوشت کے چند طبّی فوائد اور زِیادہ گوشت کھانے کے نُقصانات کے بارے میں  سنتے ہیں ،  چُنانچہ :

گوشت کے طبّی فوائد

حکیموں کا کہنا ہے کہ گوشت کھانے سے(بدن کی) 70قُوّتوں میں اِضافہ ہوتا ہے، اس سے دیکھنے کی قوت زیادہ ہوتی ہے، گوشت بدن کے رنگ کو نکھارتا ہے، پیٹ کو بڑھنے نہیں دیتا، اخلاق و عادات کو بہتر بناتا ہے، گردن کا گوشت عُمدَہ لَذِیذ، جلد ہضم ہونے والا اور ہلکا ہوتا ہے، دَسْت کا گوشت سب سے ہلکا، لذیذ تَرین، جلد ہضم ہونے والا اور بیماری سے خالی ہوتا ہے، بچھڑے کا گوشت بالخصوص جب کہ بچھڑا فربہ ہو، نہایت درمیانہ، لذیذ، عُمدہ اور پسندیدہ ہوتا ہے، گرم تَر ہوتا ہے اور اگر عُمدَہ طَرِیقے سے ہضم ہوجائے تواس کا شمار قُوّت بخش غذا میں ہوتا ہے۔ عام طور پر استعمال کے لئے شوربے والا گوشت  بہتر رہتا ہے،  سب سے بہتر گوشت بکرے کا ہوتا ہے، بکرے کے گوشت میں دَسْتی اور شانہ وہ مقامات ہیں جہاں پر ریشے موٹے نہیں ہوتے، ایسا  گوشت جلد گلتا اور مُلائم ہوتا ہے، پُشت (Back)کے گوشت کا ریشہ ران سے کم موٹا ہوتا ہے ، اس میں خون پیدا کرنے والے اجزا ملتے ہیں، گوشت بدن کو بڑھا کر طاقت بخشتا ہے، گوشت کے فوائد جانوروں کے حساب سے مختلف ہیں، بکری کا گوشت  صاف خون پیدا کرتا اور گرم مزاجوں کے لئے مفید ہے۔

زیادہ گوشت کھانے کے نقصانات

 آئیے!  اب کثرت سے گوشت  کھانے کے نُقصانات  بھی سُنتے ہیں  : یاد رکھئے! انسانی جسم