اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                       وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                        وَعَلٰی اٰلِكَ وَ اَصْحٰبِكَ یَا نُوْرَ اللہ

نَوَیْتُ سُنَّتَ الْاِعْتِکَاف(ترجمہ :  میں نے سُنَّت اعتکاف کی نِیَّت کی)

درودِ پاک کی فضیلت

پىارے اسلامى بھائىو!  سرکارِ مدینہ، راحتِ قلب و سینہ صَلَّی اللّٰہُ عَلَیْہِ واٰلِہٖ وَسَلَّمَ کا فرمانِ رَحمت نشان ہے : قیامت کے روز اللہ پاک کے عرش کے سوا کوئی سایہ  نہیں ہوگا، 3قسم کے افراد اللہ پاک کے عرش کے سائے میں ہوں  گے :    * وہ شخص جو میرے اُمّتی کی پریشانی دُور کرے،   * میری سُنّت کو زِندہ کرنے والا اور  * مجھ پر کثرت سے دُرود شریف پڑھنے والا۔ ^([1])

پڑھتا رہوں کثرت سے دُرُوْد ان پہ سدا میں                اور ذکر کا بھی شوق پئے غوث و رضا  دے^([2])

صَلُّو ْا عَلَی الْحَبِیْب!                                                صَلَّی اللہ عَلٰی مُحَمَّد

کس چیز نے روزہ رکھنے پر آمادہ کیا ؟

حضرت سَیِّدتُنا عائشہ صِدّیقہ رَضِیَ اللہ عَنْہَا سے روایت ہے کہ ایک جَوَان جو اَحادِیثِ رسول کو سُنا کرتا تھا،  جب ذِی الْحِجَّہ کا چاند نظر آیا تو اُس نے روزہ رکھ لیا،  جب پیارے آقا، مدینے والے