عِبَادت کرتےاور ذِکْر و فِکْرمیں مَصْرُوف رہاکرتے (3) : تیسرا حِصَّہ : 51 سال کی عمر مبارک سے لے کر 91 سال کی عمر مبارک تک یعنی کُل 40 سال۔ اس عرصہ میں حُضُور غوثِ پاک رَحْمَۃُ اللہِ عَلَیْہِ نے باقاعِدَہ دَرْس و بیان کا سلسلہ شُروع فرمایا ، نیکی کی دعوت کو عام کیا ،  عِلْمِ دِین کی روشنی پھیلائی ، ہدایت کے چراغ جلائے ، لوگوں کو دِیْنِ حق کی راہ دکھائی ، سُنتوں کو عام کیا اور ہزاروں بھٹکے ہوؤں کو سیدھے رستے کا مُسَافِر بنا دیا۔

کمال کی بات یہ ہے کہ حُضُور غوثِ پاک رَحْمَۃُ اللہِ عَلَیْہِکی زِندگی مبارک کے ان تینوں مرحلوں کی ابتداء غیبی اشاروں  اور بشارتوں سے ہوئی۔ چنانچہ

وِلادت کی رات بِشَارت

جس رات شہنشاہِ بغداد ، حضور غوثِ پاک رَحْمَۃُ اللہِ عَلَیْہِ کی وِلادتِ باسَعَادت ہوئی ، اس رات آپ کے والِدِ محترم حضرت ابوصالِح موسیٰ جنگی دوست رَحْمَۃُ اللہِ عَلَیْہِ کو خواب میں سرکارِ مدینہ ، قرارِ قلب و سینہ صَلّی اللہُ عَلَیْہِ وَآلِہٖ وَسَلَّم کی زیارت نصیب ہوئی ، آپ صَلّی اللہُ عَلَیْہِ وَآلِہٖ وَسَلَّم نے بیٹے کی مبارکباد دیتے اور بشارت سے نوازتے ہوئے فرمایا : یَااَبَا صالِحِ اے اَبُو صالح! اَعْطَاکَ اللہُ اِبْنًا اللہ پاک نے تمہیں بیٹا عطا فرمایا ہے ہُو وَلِّیٖ وَ مَحْبُوْبِی وَ مَحْبُوبُ اللہِ تمہارا یہ بیٹا میرا دوست بھی ہے ، میرا محبوب بھی ہے اور اللہ پاک کا بھی محبوب (یعنی پیارا) ہے۔ آپ صَلّی اللہُ عَلَیْہِ وَآلِہٖ وَسَلَّم نے مزید فرمایا : وَسَیَکُونُ لَہٗ شَاْنٌ فِی الْاَوْلِیَاءِ وَ الْاَقْطَابِ کَشَاْنِیْ بَیْنَ الْاَنْبِیَاءِ وَ الْمُرْسَلِیْن یعنی (اے ابوصالح!) اَولیائے کرام کے درمیان تمہارے بیٹے کی ویسی ہی شان ہو گی ، جیسے نبیوں اور رسولوں کے درمیان میری شان