رحمۃ اللہ علیہ  سے روایت ہے : قَبْر مُردے سے کہتی ہے : اگرتُو اپنی زندگی میں اللہ پاک کافرمانبردار تھا تو آج میں تجھ پر رَحمت کروں گی اور اگر تُو اپنی زندگی میں اللہ پاک کا نافرمان تھا تو میں تیرے لئے عذاب ہوں ، میں وہ گھر ہوں جو مجھ میں نیک اور اِطاعت گزار ہو کر داخِل ہوا وہ مجھ سے خوش ہو کر نکلے گا اور جو نافرمان وگنہگار تھا ، وہ مجھ سے تباہ حال ہو کر نکلے گا۔ (شرح الصدور ، باب مخاطبۃ القبر للمیت ، ص 114) 

      اے عاشقانِ رسول! سوچئے تو سہی اُس وقت جبکہ ہم قَبْر میں تنہا رہ گئے ہوں گے ، گھبراہٹ طاری ہو گی ، نہ کہیں جا سکتے ہوں گے ، نہ کسی کو بُلا سکتے ہوں گے اور بھاگ نکلنے کی بھی کوئی صورت نہ ہوگی۔ اُس وقت قَبْرکی کلیجہ پھاڑ پکار سُن کر کیا گزرےگی!

صَلُّوْا عَلَی الْحَبِیْب!                                                                                      صَلَّی اللہُ  عَلٰی مُحَمَّد

ہماری قبر میں کیا ہوگا؟

                             اے عاشقانِ رسول!غیب بتانے والے نبی ، رسولِ عربی  صلی اللہ علیہ واٰلہٖ وسلم کا فرمانِ عالیشان ہے : قَبْر یا تو جنت  کے  باغوں میں سے ایک باغ ہے یا جہنم  کے  گڑھوں میں سے ایک گڑھا ہے۔ (ترمذی ، کتاب صفۃ القیامۃ ، باب 26 ، 4 / 208 ، حدیث : 2468)

                             پیارے اسلامی بھائیو!ہمارے لیے یہ بات قابلِ غور ہے کہ رات کے وقت کوئی عجیب آواز سُننے کا موقع ملے تو ہمیں بے چینی ہونے لگتی ہے ، کچھ دیر کے لیے لائٹ چلی جائے اور اندھیرا ہو جائے تو بے سکون ہو جاتے ہیں ، اندھیرے میں بلّی کےبولنے اور کُتّوں کے بھونکنے کی آوازیں ہمیں پریشان کر دیتی ہیں ، لال بیگ اور بچھو