وہ چار چیزیں جنہیں اختیار کرنا ہے ، ان میں سے سب سے پہلی چیزنَماز ہے۔ اللہ کے پیارے رسول ، رسولِ مقبول  صلی اللہ علیہ واٰلہٖ وسلم  کا فرمان ہے : اللہ پا ک نے 5نمازیں فرض کی ہیں ، جو ان  نمازوں کے لئے بہتر طریقے  سے وُضو کرے ، انہیں ان کے وَقْت میں اَدا کرے اور ان کے رُکوع وسجود ، خشوع کے ساتھ پورے کرے تو اللہ پاک کے ذِمّۂ کرم پر ہے کہ اس کی مغفرت فرمادے۔ (ابوداؤد ، کتاب الصلوۃ ، باب المحافظۃ علی وقت الصلوات ، 1 / 186 ، حدیث : 425)

دُوسرا عمل  صدقہ دینا

                             قبر کے اندھیرےکو روشنی میں اور قبر کی گھبراہٹ کو  اطمینان و سکون میں بدلنے کا ایک اور عمل اللہ پاک کی راہ میں صدقہ کرنا بھی ہے۔ فرمانِ مصطفےٰ ہے : اِنَّ الصَّدَقَۃَ لَتُطْفِئُ عَلٰی  اَہْلِہَا حَرَّ الْقُبُوْرِ بے شک صَدَقہ کرنے والوں کو صَدَقہ قَبْر کی گرمی سے بچاتا ہے وَ اِنَّمَا یَسْتَظِلُّ الْمُؤْمِنُ یَوْمَ الْقِیَامَۃِ فِیْ ظِلِّ صَدَقَتِہٖ اور بِلاشُبہ مسلمان  قيامت کے دن اپنے صَدَقے کے سائے ميں ہوگا۔  (شعب الايمان ، باب الزکاة ، التحریض علی صدقۃالتطوع ، 3 / 212 ، حديث : 3347)

تیسرا عمل  تِلاوتِ قرآن کرنا

اے عاشقانِ رسول!قَبْر میں کام آنے والے اعمال میں سے ایک تلاوتِ قرآن بھی ہے۔ فرمانِ مصطفےٰ  صلی اللہ علیہ واٰلہٖ وسلم  ہے : قرآنِ کریم کی تلاوت کیا کرو  کہ یہ قیامت کے دن اپنے پڑھنے والوں کی شفاعت کرنے کے لئے آئے گا۔ (مسلم ، کتاب صلاۃ