کر شیطان بندے کو رِیا کاری میں مبتلا کر دیتا ہے ، جسے یُوں وسوسہ آئے ، اسے چاہئے کہ اس وسوسہ کو یہ کہہ کر ناکام بنا دے کہ میں شہرت کا طلب گار نہیں ہوں ، میں نہیں چاہتا کہ میری نیکیاں عوام میں مشہور ہوں ، میں تو بَس اللہ پاک کی رِضا چاہتا ہوں ، وہ میرے اعمال کو ظاہِر کرے  یا نہ کرے ، یہ اُس کی مرضِی ہے۔ ^([1])  

پیارے اسلامی بھائیو!  بہر حال! آج کے پُورے بیان کا خلاصہ یہ ہے کہ بےشک اللہ پاک تقویٰ والے ، غنی یعنی دُنیا ، دُنیوی مال ودولت سے بےنیاز رہنے والے اور گمنامی کی خواہش رکھنے والے بندے سے محبت فرماتا ہے۔ اللہ پاک ہمیں بھی یہ تینوں اعلیٰ اَوْصاف نصیب فرمائے۔ اٰمِیْن بِجَاہِ النَّبِیِّ الْاَمِیْن صَلَّی اللہُ عَلَیْہِ وَاٰلِہٖ وَسَلَّم۔   

قلب میں یاد تیری بسی ہو                      ذِکْر لب پر ترا ہر گھڑی ہو

مستی و بےخودی اور فنا کی                    میرے مولیٰ تو خیرات دے دے

نفس نے لذّتوں میں پھنسایا                   مجھ پہ لطف و کرم ہو خدایا

دِل سے چاہت مٹا ماسِوَا کی                    میرے مولیٰ تو خیرات دے دے

کرنا رَحْمت خُدا مجھ پہ اپنی                      رکھ عنایت سدا مجھ پہ اپنی

دائِمی اور حتمی رضا کی                         میرے مولیٰ تُو خیرات دے دے

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

12 دینی کاموں میں سے ایک دینی کام : مدرسۃ المدینہ بالغان

پیارے اسلامی بھائیو!  تقویٰ پانے ، دُنیا کی محبت دِل سے مٹانے اور اللہ پاک کی رضا