کی بجائے زبان پر ذِکْر ودرود کا سلسلہ جارِی ہو گیا ، پھر اچانک آپ نے پوچھا : کیا نمازِ فجر کا وقت ہو گیا؟ اگر ہو گیا ہے تو اِنْ شَآءَ اللہ! میں فجر کی نماز پڑھوں گا۔ مگر اُس وقت نماز فجر کا وقت شروع ہونے میں ابھی کافِی وقت باقی تھا۔

الحمد للہ! امیر اہلسنت دَامَتْ بَرَکَاتُہُمُ الْعَالِیَہ نے نیکی کی دعوت کے ذریعے ہزاروں نہیں بلکہ لاکھوں کو نمازی بنا دیا ہے ، آپ دَامَتْ بَرَکَاتُہُمُ الْعَالِیَہ کے عشق نماز کا اندازہ اس سے بھی لگایا جا سکتا ہے کہ آپ دَامَتْ بَرَکَاتُہُمُ الْعَالِیَہ نے اُمَّت کو نمازوں کی طرف راغِب کرنے کے لئے “ فیضانِ نماز “ کے نام سے ایک ضخیم کتاب تصنیف فرمائی ، شایَد اُرْدُو زبان میں نماز کے فضائل پر اتنی بڑی کتاب ابھی تک نہیں لکھی گئی۔ امیر اہلسنت دَامَتْ بَرَکَاتُہُمُ الْعَالِیَہ الحمد للہ! اَشْعَار کی صُورت میں بھی نمازکے فضائل لکھتے اور دوسروں کو نماز کی ترغیب دیا کرتے ہیں ، آئیے! نماز کی ترغیب پر مبنی امیر اہلسنت دَامَتْ بَرَکَاتُہُمُ الْعَالِیَہ کے چند اَشْعَار سُننے کی سعادت حاصِل کرتے ہیں۔

بھائیو! گر خدا کی رضا چاہئے                                 آپ پڑھتے رہیں باجماعت نماز

آؤ! مسجدمیں جھک جاؤ رَبّ کے حُضُور                 تم کو دلوائے گی حق سے رفعت نماز

اے غریبو! نہ گھبراؤ! سجدے کرو                       دے گی برکت ، مٹائے گی غربت نماز

صبر سے اور نمازوں سے چاہو مدد                        پُوری کروائے ہر ایک حاجت نماز

یاخُدا! تجھ سے عطار کی ہے دُعا                            مصطفےٰ کی پڑھے پیاری اُمَّت نماز

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد