imam Ghazali Bator-e-Hakim ul Ummat

Al Quran Books Madani Channel

Magazine Courses Media

دو ۲فرامینِ مصطفےٰ صَلّی اللہُ عَلَیْہ وآلِہ وسَلَّم : (1) : جو ایمان لایا ، بقدرِ کفایت رزق دیا گیا اور اس نے اللہ پاک کے دئیے پر قناعت کی بے شک وہ کامیاب ہوا^{(^[1])} (2) : اے ابوہریرہ! قناعت اختیار کرو سب سے بڑے شکر گزار بَن جاؤ گے۔ ^{(^[2])}

اے عاشقانِ رسول!قَناعت سُنّتِ مصطفےٰ ہے۔ قناعت کا معنیٰ ہے : جتنا ملا اس پر راضِی رہنا ، زیادہ کی خواہش نہ کرنا۔ * ہمارے پیارے آقا ، مدنی مصطفےٰ صَلّی اللہُ عَلَیْہ وآلِہ وسَلَّم جو ملتا راضِی خوشی کھا لیا کرتے تھے * آپ صَلّی اللہُ عَلَیْہ وآلِہ وسَلَّم نے کبھی بھی کھانے میں عیب نہیں نکالا* آپ صَلّی اللہُ عَلَیْہ وآلِہ وسَلَّم نے کبھی لذیذ اورپُرتکلف کھانوں کی خواہش نہ فرمائی۔ * رسولِ اَکْرَم ، نورِ مجسم صَلّی اللہُ عَلَیْہ وآلِہ وسَلَّم مال و دولت کی خواہش نہیں رکھتے تھے۔

کل جہاں مِلک اور جو کی روٹی غذا اس شکم کی قناعت پہ لاکھوں سلام^{(^[3])}

پیارے اسلامی بھائیو! سُنَّتِ مصطفےٰ پر عمل کیجئے ، قناعت اختیار کیجئے۔ *قناعت ایمان کا کمال ، اسلام کا حُسْن ہے۔ *قناعت کرنے والا خود کو دُنیا سے بچاتا ، آخرت کی راہ پر چلتا ہے۔ *قناعت کرنے والا اللہ پاک کا محبوب ہے۔ * قناعت کرنے والے سے لوگ بھی محبت کرتے ہیں۔ ^{(^[4])} * امام شافعی رَحمۃُ اللہِ عَلَیْہ فرماتے ہیں : قناعت مالداری کی اَصْل ہے۔ ^{(^[5])}

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

[1] مسلم، زکوٰۃ کی کتاب، قناعت کا باب، صفحہ:376، حدیث:1054۔

[2] ابن ماجہ، زُہد کی کتاب، ورع و تقویٰ کا باب،صفحہ:684، حدیث:4217ملتقطًا۔

[3] حدائق بخشش، صفحہ:304۔

[4] نضرۃ النعیم، جلد:8، صفحہ:3175۔

[5] دیوانِ امام شافعی، قافیہ: کاف، صفحہ:133۔

Important

Mobile Apps

Contact Us