بہت خُوش نظر آرہے ہیں ؟ پیارے آقا ، مدینے والے مصطفیٰ صَلَّی اللّٰہُ عَلَیْہِ وَاٰلِہٖ وَسَلَّم  نے فرمایا : میرے پاس میرے  رَب کی طرف سے ایک آنے والا آیا اورمجھ سے عَرْض  کِیا کہ آپ کاجواُمّتی آ پ پر ایک مرتبہ دُرودِ پاک پڑھے گا ، اللہ پاک اُس کیلئے دس(10) نیکیاں لکھے گا ، اُس کے دس(10) گُناہ مٹادے گا اور اُس کے دس(10) دَرَجات بلند فرمائے گا اور اُس پر اتنی ہی رحمت بھیجے گا۔ ^([1])

اُن پر دُرود جن کو کَسِ بے کَساں کہیں                                                   اُن پر سَلام جن کو خَبَر بے خَبَر کی ہے^([2])

صَلُّوا عَلَی الْحَبیب!                                                                                                                  صَلَّی اللّٰہُ عَلٰی مُحَمَّد

                                            مختصر وضاحت : یعنی ہم اپنے اُس پیارے پیارے آقا صَلَّی اللّٰہُ عَلَیْہِ وَاٰلِہٖ وَسَلَّم پر دُرود بھیجتے ہیں ، جو ہر بے سہارے کا سہارا اور آسرا ہیں اور ہم اپنے اُس  پیارے آقا صَلَّی اللّٰہُ عَلَیْہِ وَاٰلِہٖ وَسَلَّم پرسلام بھیجتے ہیں جو ہم غافلوں کی خیر خبر رکھتے ہیں۔

صَلُّوا عَلَی الْحَبیب!                                                                  صَلَّی اللّٰہُ عَلٰی مُحَمَّد

               پیارے اسلامی بھائیو!حُصُولِ ثَوَاب کی خَاطِر بَیان سُننےسے پہلے اَچّھی اَچّھی نیّتیں کر لیتے ہیں۔ فَرمانِ مُصْطَفٰے صَلَّی اللّٰہُ عَلَیْہِ وَاٰلِہٖ وَسَلَّم’’نِـيَّةُ الْمُؤْمِنِ خَـیـْرٌ مِّـنْ عَمَلِهٖ‘‘مُسَلمان کی نِیَّت اُس کے عَمَل سے بہتر ہے۔ ^([3]) لہٰذا جتنی اچھی نیتیں زیادہ ہوں گی اتنا ثواب بھی زیادہ ملےگا۔