Book Name:Ghous e Aazam As A Mufti e Aazam
اور آپ کو کیسا عُبُور حاصِل تھا ، آئیے سنئے !
حضرت حافظابُو الْعَبَّاس احمدرَحْمَۃُ اللّٰہ ِ عَلَیْہ فرماتے ہیں کہ میں علّامہ ابنِ جوزی رَحْمَۃُ اللّٰہ ِ عَلَیْہ کے ساتھ ایک مرتبہ حُضُور غوثِ پاک رَحْمَۃُ اللّٰہ ِ عَلَیْہکے اجتماعِ غوثیہ میں حاضر ہوا ، ایک قاری نے قرآنِ کریم کی تلاوت کی ، تلاوت کے بعد حُضُور غوثِ پاک رَحْمَۃُ اللّٰہ ِ عَلَیْہ نے بیان فرمانا شروع کیا ۔ جن آیات کی تِلاوَت ہوئی آپ نے اسی میں سے ایک آیت کی تفسیر بیان کرنا شروع کی اور آیت کا ایک معنی بیان فرمایا ، میں نے عَلامہ ابنِ جوزی رَحْمَۃُ اللّٰہ ِ عَلَیْہ سے پوچھا ، کیا اس آیت کے جو معنی غوثِ پاک نے بیان فرمائے ہیں آپ کو اس کا علم تھا ؟اُنہوں نے جواب دیا ، ہاں!مجھے اس تفسیر ی قول کا علم تھا ، اس کے بعد حُضُور غوثِ پاک رَحْمَۃُ اللّٰہ ِ عَلَیْہ نے ایک ایک کرکے 11 تفسیری اقوال ذِکر فرمائے ، میرے پوچھنے پر ہر بار علامہ ابنِ جوزی رَحْمَۃُ اللّٰہ ِ عَلَیْہ فرماتے رہے کہ یہ تفسیری قول مجھے بھی معلوم تھا۔ حافظ ابو العباس رَحْمَۃُ اللّٰہ ِ عَلَیْہ فرماتے ہیں کہ حُضُور غوثِ پاک رَحْمَۃُ اللّٰہ ِ عَلَیْہ نے اُس ایک آیتِ مُبارَکہ کے 40تفسیری اقوال بیان فرمائے اور ہر ہر قول کے کہنے والے کا نام بھی بیان فرمایا۔ مگر 11 تفسیروں کے بعد سے ہر تفسیر کے بارے میں میرے پوچھنے پر علامہ ابنِ جوزی نَفِی میں سَر ہِلاتے ہوئے کہتے رہے کہ یہ تفسیر میرے عِلم میں نہیں۔ ([1])
کوئی اُن کے رُتبہ کو کیا جانتا ہے محمد کے ہیں جانشیں غوثِ اعظم
تجھے سب نے جانا تجھے سب نے مانا تری سب میں دھومیں مچیں غوثِ اعظم