جوابات ارشاد فرمائے جو پہلے ہمارے عِلْم میں نہ تھے۔ ^([1])

امیراہل سنت ، عاشقِ غوثِ اعظم ، غوثِ پاک  سے بہت محبت کرنے والے ، غوثِ پاک کی شان و  عظمت  بیان کرنے والے ، غوثِ پاک  کی شان میں بہت ساری منقبتیں لکھنے والے  شانِ غوثِ اعظم بیان کرتے ہوئے لکھتے ہیں :

واقفِ حکمت و اَسرار ہیں   غوثِ اعظم                                     دل کے بھیدوں   سے خبردار ہیں   غوثِ اعظم

                                                      نائبِ احمدِ مختار ہیں غوثِ اعظم                                   اور سب ولیوں   کے سردار ہیں   غوثِ اعظم^([2])

اشعار کی وضاحت : سركارِ غوثِ اعظمرَحْمَۃُ اللہِ عَلَیْہ حکمت اور چھپے ہوئے رازوں کو جانتے ہیں اور دل میں چھپے رازوں سے بھی خبردار ہیں ، آپ سرکارِدوعالم ، نبیِ مکرم صَلَّی اللّٰہُ عَلَیْہِ وَاٰلِہٖ وَسَلَّم کے نائب اور ولیوں کے سردار ہیں ۔

صَلُّوا عَلَی الْحَبیب!                  صَلَّی اللّٰہُ عَلٰی مُحَمَّد

اے عاشقانِ غوثِ اعظم !ہمارے غوثِ پاک شیخ عبدالقادر جیلانی رَحْمَۃُ اللہِ عَلَیْہ کو علم دین میں یہ عظیم مرتبہ ایسے ہی نہیں ملا ، بلکہ حضور غوث پاک رَحْمَۃُ اللہِ عَلَیْہ نے علمِ دین کے حُصُول  کے لیے چالیس سال تک خوب محنت کی ، گھر بار چھوڑ کر جنگلوں کی گھاس اور روکھے سوکھے ٹکڑے کھا کر گزارہ کیا۔ اور جب یہ سب مصیبتیں برداشت کیں تو اللہ پاک نے آپ کووہ رتبہ عطافرمایا کہ بڑے بڑے اولیاء کی گردنوں پر آپ کا قدمِ مبارک ہے بلکہ آپ کے مبارک قدموں کے مبارک تلوؤں کو آنکھوں پر لگا کر اپنی آنکھوں کو منور کرتے ہیں ۔