مَرے گی مگر میں کبھی نہیں مَروں گی کیونکہ میں تم جیسا بیٹا چھوڑ رہی ہوں ، جس کے سبب مشرق و مغرب میں میرا چرچا رہے گا۔ ‘‘اِس وَلِیَّۂ وقت کا یہ قول نہایت دُرُست(ثابت) ہوا۔ ⁽²⁾

صَلُّوْا عَلَی الْحَبِیْب!                                                                                                صَلَّی اللہُ عَلٰی مُحَمَّد

فوت شُدہ والِدین زندہ ہو گئے!

اے عاشقانِ رَسُول!ہر ایک کو اپنے ماں باپ پیارے ہوتے ہیں ، پھر ہمارے آقا صَلَّی اللّٰہُ عَلَیْہِ وَاٰلہٖ وَسَلَّمکو کیوں پیارے نہ ہوں گے!اپنے والِدَینِ کریمَین کو اپنی پیاری اُمَّت کے ساتھ شمولیَّت کی خاطِر عطائے رَبِّ قادِر سے کیسا عظیمُ الشان معجزہ دِکھایا ، سُنئے اور جھومئے ، چنانچہ

اِمام اَبُوالقاسِم عبدُالرَّحمٰن سُہَیْلِی نَقل کرتے ہی : اُمُّ الْمُؤمِنِیْن حضرتِ بی بی عائِشہ صِدّیقہ رَضِیَ اللّٰہُ عَنْہَا رِوایَت کرتی ہیں ، سرکارِمدینہ صَلَّی اللّٰہُ عَلَیْہِ وَاٰلہٖ وَسَلَّمنے دُعا مانگی : “ اےاللہ  پاک!میرے ماں باپ کو زندہ کر دے۔ “ اللہ پاک نے اپنے حبیب صَلَّی اللّٰہُ عَلَیْہِ وَاٰلہٖ وَسَلَّمکی دُعا قَبول فرماتے ہوئے دونوں حضرات(یعنی والدین) کو زندہ کر دیا اور وہ دونوں اللہپاک کے آخری نبی صَلَّی اللّٰہُ عَلَیْہِ وَاٰلہٖ وَسَلَّم پر اِیمان لائے اور پھر اپنے اپنے مَزاراتِ مُبارَکہ میں تشریف لے گئے۔ ^([1]) 

صَلُّوْا عَلَی الْحَبِیْب!                                                                                                صَلَّی اللہُ عَلٰی مُحَمَّد

والدینِ کریمین نے  کبھی غیرِ خدا کی عبادت نہیں کی

خبردار!اِس سے کوئی یہ نہ سمجھے کہ والِدَینِ کریمینرَضِیَ اللّٰہُ عَنْہُمَا مَعَاذَاللّٰہ حالتِ کُفر میں فوت