هغوئي فضيلت څوك بيانولے شي؟ حضرت امام قاضي عياض مالكي رحمَةُ اللّٰهُ تعالٰى  عَلَيه په ”شِفاء شريف“ كښے ارشاد فرمائي: حَارَتِ الْعُقُولُ فِي تَقْدِيرِ فَضْلِہٖ عَلَيْهِ وَخَرِسَتِ الْأَلْسُنُ، يعنی د الله كريم كوم فضل چه په حُضُور صَلَّى اللهُ تَعَالٰى عَلَيْهِ وَاٰلِهٖ وَسَلَّم دے، د هغے اندازه لګولو نه عقلونه حيران او ژبے عاجزه دي. (الشفاء بتعریف حقوق المصطفیٰ،۱ /۱۰۳)

    راځئ چه د حُضُور نبـي كريم صَلَّى اللهُ تَعَالٰى عَلَيْهِ وَاٰلِهٖ وَسَلَّم د شان او عظمت په باره كښے نور بيان واورو: چنانچه

    الله پاك د حضرت نُوح عليه السلام په سبب مسلمانانو ته د طوفان نه خلاصے وركړو، او زمونږ د خوږ آقا صَلَّى اللهُ تَعَالٰى عَلَيْهِ وَاٰلِهٖ وَسَلَّم په سبب ئے غير مسلمو ته د عذاب نه مُهلت وركړو، الله تعالٰى ارشاد فرمائي:

وَ مَا كَانَ اللّٰهُ لِیُعَذِّبَهُمْ وَ اَنْتَ فِیْهِمْؕ    (پ۹،الانفال:۳۳)  

[مَفهُوم] ترجمهٴ كنزُالاِيمان : او د اللہ کار نه دے چه دوئي ته عذاب ورکړي تر څو پورے چه اے محبوب تاسو په دوئي كښے تشریف فرما ئے.

     اعلٰى حضرت شاه احمد رضا خان رحمَةُ اللّٰهُ تعالٰى  عَلَيه څه ښه فرمائي:

اَنتَ فِیہِم نے عَدُوْ کو بھی لیا دامن میں                              عیشِ جاوید مبارک تجھے شیدائی دوست

                                                                                                                (حدائقِ بخشش،ص۶۳)

     د شعر وضاحت: خوږ آقا مكِّـى مَدَنـى مُصطَفىٰ صَلَّى اللهُ تَعَالٰى عَلَيْهِ وَاٰلِهٖ وَسَلَّم سره محبت كولو والؤ! تاسو ته هيڅ پريشانه كيدل نه دي پكار، ځكه چه تاسو د هغوئي غلام ئے د چا په بركت چه په دُنيا كښے غيرمسلمه هم د عذاب نه محفوظه دي، چه دُښمن په امن كښے وي نو بيا د دوست په امن كښے كيدل خو ډيره ښكاره خبره ده.