سے دل میں محبتِ خدا اور عشقِ مصطفےٰ میں اضافہ ہوتا ہے۔ لیکن اس کے لیے یہ ضروری ہے کہ اشعار صحیح ہوں اور اشعار لکھنے والا خوفِ خدا اور عشقِ مصطفےٰ سے معمور ہونے کے ساتھ دین و شریعت کے ضروری مسائل سے بھی واقف ہو۔ اَمِیرِ اہلسنّت بانیِ دعوتِ اسلامی حضرتِ علّامہ مولانا محمد الیاس عطّار قادِری  دَامَتْ بَرَکَاتُہُمُ الْعَالِیَہاس بات کی رہنمائی کرتے ہوئے اپنی مایۂ ناز تالیف ”کفریہ کلمات کے بارے میں سوال جواب“ میں لکھتےہیں: سرکارِ اعلیٰ حضرت، امام اَحمد رَضا خان رَحْمَۃُ اللّٰہ ِ عَلَیْہ کے ارشاداتِ عالِیَّہ کا خُلاصہ ہے کہ جاہِل نعت گوشاعروں کے کلام بَسااوقات کفرِیّات سے بھر پور ہوتے ہیں،لہٰذا ایسے کلام پڑھنے والوں کو محفلِ نعت میں بُلانا بھی ناجائز ،ایسی نعت خوانی میں کسی کو بھیجنا بھی حرام اور ایسے کلام کا سننا بھی گناہ۔(کفریہ کلمات کے بارے میں سوال جواب ، ص۲۳۴)

جبکہ پارہ 19سُوْرَۃُ الشُّعَرَاء میں ارشاد ہوتا ہے :

وَ الشُّعَرَآءُ یَتَّبِعُهُمُ الْغَاوٗنَؕ(۲۲۴) اَلَمْ تَرَ اَنَّهُمْ فِیْ كُلِّ وَادٍ یَّهِیْمُوْنَۙ(۲۲۵) وَ اَنَّهُمْ یَقُوْلُوْنَ مَا لَا یَفْعَلُوْنَۙ(۲۲۶) (پ۱۹،الشعراء:۲۲۴تا۲۲۶)                                                                                                                                                                                                                                                            

تَرْجَمَۂ کنز الایمان :اورشاعروں  کی پیرو ی گمراہ کرتے ہیں۔ کیا تم نے نہ دیکھا کہ وہ ہر نالے میں  سرگرداں  پھرتے ہیں ۔ اور وہ کہتے ہیں  جو نہیں  کرتے۔

اس آیت ِمبارکہ کے تحت تفسیر صِراطُ الْجِنَان میں لکھا ہے کہ اس سے معلوم ہو اکہ شاعروں  کا جھوٹے اور باطل اَشعار لکھنا،انہیں  پڑھنا،دوسروں  کو سنانا اورانہیں  معاشرے میں  رائج کرنا گمراہ لوگوں  کا کام ہے، اس سے ان لوگوں  کو نصیحت حاصل کرنی چاہئے جو ایسے اشعار لکھتے ہیں  جن میں  اللہ پاک اورنبیِ کریم صَلَّی اللہ عَلَیْہِ وَاٰلِہٖ وَسَلَّمَ کی توہین،دین ِاسلام اور قرآن کا مذاق اڑانے اور اللہ پاک کی بارگاہ کے مقرب بندوں  کی شان میں  گستاخی کے کلمات ہوتے ہیں ، یونہی بے حیائی، عُریانی اور فحاشی کی