میرےپاس آنا میں تمہاری ضروریات کو پورا کردوں گا۔ جب وہ شخص صبح آپ رَضِیَ اللہُ عَنْہُ کے پاس آیا  تو آپ رَضِیَ اللہُ عَنْہُ نے اس کے بچے کا وظیفہ(خرچہ)بھی جاری کیا اور اسےبھی مال وغیرہ عطا فرمایا۔

(التبصرۃ  ،   المجلس التاسع والعشرون فی فضل۔ ۔ ۔ الخ ، ۱ / ۴۲۰)

صَلُّوْا عَلَی الْحَبِیْب!                                   صَلَّی اللّٰہُ عَلٰی مُحَمَّد

       پیارے پیارےاسلامی بھائیو!آپ نےسنا کہ امیرُالمؤمنین فاروقِ اعظم رَضِیَ اللہُ  عَنْہُ نےکس طرح نبیِّ اکرم صَلَّی اللّٰہُ  عَلَیْہِ واٰلِہٖ وَسَلَّمَ کی دُکھیاری اُمّت کے ایک پریشان حال کی خیرخواہی فرمائی ، اپنی نگرانی میں آگ روشن کروائی ، اپنے ہاتھوں سے ہانڈی چڑھائی اور کھانے کی سیٹنگ بنائی ، پھر خود ہی کھانا نکال کر اپنی زوجَۂ محترمہ کےذریعے اُس عورت کیلئے بھیج کر ان کی مشکل آسان فرمائی۔

       یاد رہے!یہ وہی  فاروقِ اعظم رَضِیَ اللہُ عَنْہُ  ہیں جن کے سائے  سےشیطان بھی  بھاگتاہے۔ (بخاری ،  کتاب فضائل اصحاب النبی ، باب  مناقب عمر بن الخطاب ، ۲ / ۵۲۶ ، حدیث :  ۳۶۸۳)یہ وہی  فاروقِ اعظم رَضِیَ اللہُ عَنْہُ  ہیں جن کوحضورنبیِّ کریم صَلَّی اللّٰہُ  عَلَیْہِ واٰلِہٖ وَسَلَّمَ نے اپنی زبانِ مبارَک سےجنّتی ہونےکی خوشخبری) (Good Newsعطا فرمائی۔ (بُخاری ، ۲ / ۵۲۵ ، حدیث : ۳۶۷۹)یہ وہی فاروقِ اعظم رَضِیَ اللہُ  عَنْہُ  ہیں جن کے بارے میں حُضورِ اکرم صَلَّی اللّٰہُ  عَلَیْہِ واٰلِہٖ وَسَلَّمَ نےیہ دعا فرمائی تھی : اے اللہ کریم!عُمر بن خطاب کےذریعےاِسلام کوعزّت عطا فرما۔ (ابن ماجہ ، کتاب السنۃ ،  فضل عمر ، ۱ / ۷۷ ، حدیث : ۱۰۵)یہ وہی فاروقِ اعظم رَضِیَ اللہُ عَنْہُ   ہیں جو یتیموں اور بے سہارا لوگوں کی  بھلائی کیلئے راتوں کو جاگ کر  دورہ فرمایا کرتے تھے۔ یہ وہی فاروقِ اعظم رَضِیَ اللہُ  عَنْہُ ہیں جن کی رائے کے مطابق قرآنِ کریم کی آیاتِ مُبارَکہ اُتریں۔ (تاریخ الخلفاء ، ص۹۶ ، الصواعق المحرقۃ ، ص۹۹)یہ وہی فاروقِ اعظم رَضِیَ اللہُ عَنْہُ ہیں جن کافرمان ہے : لَوْمَاتَتْ شَاةٌ عَلَى شَطِّ الْفُرَاتِ ضَائِعَةً لَظَنَنْتُ اَنَّ اللهَ سَائِلِي عَنْهَا يَوْمَ الْقِيَامَةِ اگر نہرِ فُرات