آئیے!”مَدَنی دَرْس“ کی ایک اِیمان اَفروزحکایت سُنئے ، چنانچہ

مَدَنی درس میں بیٹھنےوالا  عالِم بن  گیا

سندھ کےایک اسلامی بھائی جو نویں(9th) کلاس میں پڑھتےتھے اور دنیا  حاصل کرنے کی کوششوں میں مشغول تھے ، عَلاقے کے اسلامی بھائی اُن کو نیکی کی دعوت دے کر مسجد میں لے آئے۔ جب وہ  نماز پڑھ کر مسجد سے جانے لگے تو ایک خَیر خواہ اسلامی بھائی(جومسجد کےدروازےکےقریب کھڑے تھے)نے اُن کو دَرْس میں شرکت کی دعوت دی۔ لہٰذا وہ مَدَنی درس( دَرْسِ فَیضانِ سُنّت)میں بیٹھ گئے۔ پھر اُنہوں نے اسلامی بھائیوں کی اِنفرادی کوشِش سے مَدْرَسَۃُ الْمَدِیْنَہ(بالِغان)میں پڑھنا شُروع کردیا ۔ ہفتہ وارسُنّتوں بھرے اِجتماع میں شرکت کی۔ چند ہفتوں بعد اَمیرِ اَہلسُنّت دَامَتْ بَـرَکاتُہُمُ الْعَالِیَہ کا بذریعہ ٹیلیفون بیان رِیلے ہوا۔ بَیان کےبعد امیرِاہلسنّت دَامَتْ بَـرَکاتُہُمُ الْعَالِیَہ  نے اِجتماعی تَوْبہ اور بَیْعَت کروائی تو وہ اسلامی بھائی بھی گناہوں سے تَوبہ کرکےعطّاری بن گئے۔ مَدَنی ماحول کی بَرَکت سے اُنہوں نے عِلْمِ دین سیکھنےکےلئے1999ءمیں جَامِعَۃُ الْمَدِیْنَہ(فَیضانِ عُثمانِ غَنِی گلستانِ جَوہرکراچی)میں داخِلہ لے لیا اور 2005 میں عالِمِ دین بننے پر انہیں پیارے پیارے مُرشِدِ کَرِیْم اَمیرِاَہلسُنّت دَامَتْ بَـرَکاتُہُمُ الْعَالِیَہ  کےہاتھوں سے دَستارِفضیلت کےطور پر عِمامہ شریف بندھوانے کا  شَرَف بھی مل گیا۔

صَلُّوْا عَلَی الْحَبِیْب!                                                           صَلَّی اللّٰہُ  عَلٰی مُحَمَّد

مقروض کی امداد

پیارےپیارےاسلامی بھائیو!ہم اُمَّت کی خیرخواہی  کے بارے میں بُزرگانِ دین رَحْمَۃُ اللّٰہ ِ  عَلَیْہِمْ اَجْمَعِیْن  کے واقعات سُن رہے تھے۔ ہمارے بزرگانِ دین رَحْمَۃُ اللّٰہ ِ  عَلَیْہِمْ اَجْمَعِیْن خیرخواہیِ اُمّت کے لیے ہر وَقْت تیار رہتے  اور خیر خواہی کا کوئی بھی موقع ہاتھ سے جانے نہ دیتے۔  یہی وجہ ہے کہ