ہے۔انہی میں سے ایک”مجلسِ رابطہ بالعلما والمشائخ“ بھی ہے جس کا بنیادی مقصد سُنّی علمائے کرام و مشائخ عظام مثلاً ائمۂ مساجد،خُطَبا اور پیرانِ طریقت وغیرہ کو عاشقانِ رسول کی مَدَنی تحریکدعوتِ اسلامی کی دِینی خدمات سے آگاہ کرنا،مَدَنی کاموں میں ان کی مدد حاصل کرنا،ان کی دعائیں لینا،سُنّی جامعات و مدارس میں مَدَنی کاموں کی ترکیب بنانا،ہفتہ وارسُنّتوں بھرے اجتماع وہفتہ وار مَدَنی مذاکرےاورمختلف تربیتی اجتماعات میں سُنّی جامعات و مدارس کے طلبۂ کرام کی شرکت کروانا اور ان کے لئے مناسب خیر خواہی کا اِنتظام کرنا ہے۔اللہ پاک”مجلسِ رابطہ بالعلما والمشائخ“ کو مزید ترقیاں عطا فرمائے اور ہمیں دعوتِ اسلامی کے مَدَنی ماحول سے سچی پکی وابستگی نصیب فرمائے۔اٰمِیْن بِجَاہِ النَّبِیِ الْاَمِیْن صَلَّی اللّٰہُ عَلَیْہِ واٰلِہٖ وَسَلَّمَ

صَلُّوْا عَلَی الْحَبِیْب!                                        صَلَّی اللّٰہُ عَلٰی مُحَمَّد

شُکْر کے بارے میں مَدَنی پھول

پیارے پیارے اسلامی بھائیو!آئیے!شُکْر کے بارے میں چند مَدَنی پھول سُننے کی سعادت حاصل کرتے ہیں۔پہلے2فرامینِ مُصْطَفٰےصَلَّی اللہُ عَلَیْہِ وَاٰلِہٖ وَسَلَّم ملاحظہ کیجئے:(1)اللہ پاک کو یہ بات پسند ہے کہ بندہ ہرنوالے اور ہر گھونٹ پر اللہکریم کا شُکْر ادا کرے۔(مسلم،کتاب الذکروالدعاء، الخ،باب استحباب حمد اللہ۔۔۔الخ،ص۱۱۲۲،حدیث:۶۹۳۲)(2)تمہیں چاہئے کہ زبانیں ذکر سے اور دل شُکْر سے تَر رکھو۔(شعب الایمان،باب فی محبة اللہ، فصل فی ادامة ذکر اللہ،۱/ ۴۱۹، حدیث:۵۹۰،ملتقطاً) ٭شُکْر اعلیٰ درجے کی عبادت ہے۔(شکر کے فضائل،ص۱۲)٭ اللہ کریم کی نعمتوں پر شُکْر واجب ہے۔(خزائن العرفان،پ۲،البقرہ ،تحت الایۃ:۱۷۲)٭شُکْر کی توفیق عظیم سعادت ہے۔(شکر کے فضائل ،ص۱۲)