Book Name:Bachon Par Shafqat-e-Mustafa
12 مدني ڪمن مان هن مدني ڪم”چوڪ دَرس“ جي تفصيلي معلومات جي لاءِ مڪتبة المدينه جي رسالي ”چوڪ دَرس“ جو مطالعو ڪريو، تمام ذِمه دارانِ دعوتِ اسلامي، خاص ڪري چوڪ دَرس مجلس جا نگران ۽ اراڪين ته هن رِسالي جو لازمي مطالعو ڪن۔ اهو رِسالو مڪتبة المدينه تي دَستياب هئڻ سان گڏوگڏ دعوتِ اسلامي جي ويب سائٽ www.dawateislami.net تان به پڙھي سگھجي ٿو۔
صَلُّوْا عَلَي الْحَبِيب! صَلَّي اللّٰه تَعَالٰي عَلٰي مُحَمَّد
اچو! ترغيب لاءِ چوڪ دَرس جي هڪ مَدَني بهار ٻُڌون ٿا، جيئن
بابُ المدينه (ڪراچي) جي رهائشي هڪ اسلامي ڀاءُ جي عَلائقي جي مسجد ٻاهران ”چوڪ دَرس“ ٿيندو هو۔ هڪ ڏينهن مَعمول مطابق چوڪ دَرس جي لاءِ اسلامي ڀاءُ تشريف فرما ٿيو ته آسپاس موجود ماڻهن کي دَرس ۾ شرڪت ڪرڻ جي دعوت پيش ڪئي، هڪ اسلامي ڀاءُ اڳتي وڌي ويجھو ئي رِڪشا اسٽينڊ تي موجود چوڪيدار راجو ڀائي کي به دَرس ۾ شِرڪت جي دعوت پيش ڪئي۔ راجو ڀائي دَعوَت قبول ڪندي درسِ فَيضانِ سُنَّت ۾ شريڪ ٿيو۔ دَرس کان پوءِ مُبَلِّغِ دعوتِ اسلامي رِقّت انگيز دُعا کان اڳ ۾ دَرس ٻڌڻ وارن کي اڳوڻن گناهن کان تَوْبه ڪرائي ۽ دُعا دوران حاضِرِين جي بخشش جي لاءِ به دُعا گھري۔ دُعا جي اِختتام تي دَرس ٻڌڻ وارن وڏي آوازِ سان دُرُودِپاڪ پڙھيو، راجو ڀائي دُرُودِ پاڪ پڙھندي آڱوٺا چُمي اکين سان لڳايا، وڏي آواز سان ڪلِمو شريف لَآاِلٰه اِلَّا الله مُحَمَّدٌ رَّسُولُ الله پڙھيو ۽ بي اِختيار زمين تي ڪري پيو۔ هڪ اسلامي ڀاءُ اڳتي وڌي ان کي کنيو ته ڏٺائين ان وَقت هو پنهنجي خالِقِ حقيقي سان ملي چڪو هو۔
ہے تمنّائے عطارؔیاربّ!اُن کے جَلووں میں یُوں مَوت آئے جھُوم کر جب گِرے میرا لاشہ تھام لیں بڑھ کے شاہِ مدینہ
صَلُّوْا عَلَي الْحَبِيب! صَلَّي اللّٰه تَعَالٰي عَلٰي مُحَمَّد