نگاہیں نیچی کئے خُوب کان لگا کر بَیان سُنُوںگی۔ ٹیک لگا کر بیٹھنے کے بجائے عِلْمِ دِیْن کی تَعْظِیم کی خاطِر جہاں تک ہو سکا دو زانو بیٹھوں گی۔ضَرورَتاً سِمَٹ سَرَک کر دوسری اسلامی بہنوں کے لئے جگہ کُشادہ کروں گی۔دھکّا وغیرہ لگا تو صبر کروں گی،  گُھورنے، جِھڑکنےاوراُلجھنے سے بچوں گی۔صَلُّوْا عَلَی الْحَبِیْبِ،  اُذْکُرُوااللّٰـہَ،  تُوبُوْا اِلَی اللّٰـہِ  وغیرہ سُن  کر ثواب کمانے اور صدا لگانے والی کی دل جُوئی کے لئےپست آواز سے جواب دوں گی۔اجتماع کے بعد خُود آگے بڑھ کر سَلَام و مُصَافَحَہ اور اِنْفِرادی کوشش کروں گی۔ دورانِ بیان موبائل کے غیر ضروری استعمال سے بچوں گی،  نہ بیان ریکارڈ کروں گی نہ ہی اور کسی قسم کی آواز  کہ  اِس کی اجازت نہیں ، جو کچھ سنوں گی،  اسے سن   اور سمجھ   کر اس پہ عمل کرنے اور اسے بعد میں دوسروں تک پہنچا   کر نیکی کی دعوت عام کرنے کی سعادت حاصل کروں گی۔

صَلُّو ْا عَلَی الْحَبِیْب!                                                                                               صَلَّی اللہُ عَلٰی مُحَمَّد

      پیاری پیاری اسلامى بہنو!اِنْ شَآءَ اللہآج کے ہفتہ وار سُنّتوں بھرے اجتماع میں ہم”بچوں پر شفقتِ مصطفے“ کے بارے میں ایمان افروز واقعات سنیں گی۔ اللہ کے پیارے رسول،  بی بی آمنہ کے پھول صَلَّی اللّٰہُ عَلَیْہِ واٰلِہٖ وَسَلَّمَ بچوں سے کیسی الفت اور شفقت کا برتاؤ فرماتے تھے،  اس بارے میں کچھ حکایات و روایات سنیں گی ۔ بچوں سے کس طرح کا برتاؤ کرنا چاہیے اس بارے میں بھی کچھ مدنی پھول بیان کئے جائیں گے۔ بچوں کی تربیت کی اہمیت کے ساتھ اُس میں کن باتوں کو ملحوظ رکھنا چاہیے یہ بھی آج بیان کیا جائے گا۔ اے کاش! کہ سارا بیان اچھی اچھی نیتوں کے ساتھ سننے کی سعادت نصیب ہو جائے۔

صَلُّو ْا عَلَی الْحَبِیْب!                                                                                               صَلَّی اللہُ عَلٰی مُحَمَّد

نواسَۂ مُصْطَفٰے پر شفقتِ مُصْطَفٰے

حضرتسیّدنا ابو ہریرہرَضِیَ اللہُ عَنْہُ  فرماتے ہیں : میں نے اپنی آنکھوں سے دیکھااور کانوں سے سنا کہ ایک روز رسولِ کریم صَلَّی اللہُ عَلَیْہِ وَاٰلِہٖ وَسَلَّم حضرت سیّدنا امام حسین رَضِیَ اللہُ عَنْہُکے ہاتھوں کو پکڑے ہوئے