عاصیوں كی مغفرت كا لے كر آیا ہے پیام                        جُھوم جاؤ مُجْرِمو! رَمَضاں مَہ ِغُفران ہے

یاالٰہی تُو مدینے میں كبھی رَمَضَاں دِكھا                               مُدّتوں سے دِل میں یہ عطّار كے اَرمان ہے

(وسائل بخشش مرمم، ص۷۰۵ ،۷۰۶)

صَلُّو ْا عَلَی الْحَبِیْب!                                  صَلَّی اللہُ عَلٰی مُحَمَّد

پىاری پىاری اسلامى بہنو!اس ایمان افروز خطبے سے یہ واضح ہوتا ہے کہ اَمِیْرُالمؤمنین حَضرتِ سَیِّدُنا عمر فاروقِ اعظمرَضِیَ اللہُ عَنْہُماہِ رمضان کی اہمیت(Importance)و فضیلت سے بخوبی واقف  تھے اوراس نُوربارمہینے سے عقیدت و محبت کرتے تھے، اس لیے جیسے ہی یہ مبارک مہینا جلوہ گر ہوتا تو نہ صرف خود نیکیوں میں مشغول ہوجاتے بلکہ مسلمانوں میں عبادت کا ذوق و شوق بیدار کرنےکیلئےانہیں بھی اس مقدَّس مہینےمیں اخلاص کےساتھ کثرت سے عبادت کی ترغیب دلاتے۔

آمدِرمضان کے پُرنور موقع پرقندیلوں کےذریعےمساجدکوروشن کرنا بھی آپ کے مبارک معمولات میں شامل تھا جیساکہ حضرت سیِّدُناابواسحاق ہَمدانیرَحْمَۃُ اللّٰہ ِعَلَیْہ فرماتے ہیں: اَمِیْرُ المؤمنین حَضرتِ سَیِّدُنا  علیُّ المرتضیٰ، شیرِخدا رَضِیَ اللہُ عَنْہُرَمضانُ المبارک کی پہلی رات (First Night)باہر نکلے تو دیکھا کہ مساجد پر قندیلیں چمک رہی ہیں اور لوگ کتابُاللہ کی تلاوت کر رہے ہیں۔یہ دیکھ کر آپ نے ارشاد فرمایا:نَوَّرَاللہُ لِعُمَرَ  فِيْ قَبْرِہٖ كَمَا نَوَّرَ مَسَاجِدَ اللہِ بِالْقُرْآنِ یعنی اللہ پاک اَمِیْرُالمؤمنین حَضرتِ سَیِّدُنا عمر فاروقِ اعظمرَضِیَ اللہُ عَنْہُ کی قبر کو ویسا ہی منوَّر کردے جیسا آپ نے(رمضانُ المبارک میں) مساجد کو قرآن سے منوَّر کیا۔

(فیضان فاروق اعظم،۱/۷۳۵)

صَلُّوْا عَلَی الْحَبِیْب!                                             صَلَّی اللّٰہُ عَلٰی مُحَمَّد