Book Name:Ramazan Ki Amad Marhaba
پاؤں کا گناہ یہ ہے کہ اِن سے ایسی جگہوں پر جانا کہ جن سے اللہ کریم نے منع فرمایا ہے،لہٰذاہمیں چاہیے کہ ہم ہر گز ہرگز سینما گھر کی طرف نہ چلیں،بُرے دوستوں کی مجلسوں کی طرف نہ چلیں، شطرنج،لُڈو،تاش،کرکٹ،فٹ بال،وِیڈیوگیمز،ٹیبل فٹ بال وغیرہ کھیلنےیادیکھنے کے لئے نہ چلیں، کاش!پاؤں اُٹھیں تَو صِرْف و صِرْف نیک کاموں کیلئے اُٹھیں،پاؤں چلیں تومساجد ،مزاراتِ اَوْلیا، عُلَما ونیک لوگوں کی زِیارت،نیکی کی دعوت دینے کیلئے چلیں،سُنّتوں بھرے اِجتماع کی طرف چلیں،سُنّتوں کی تربیت کے مَدَنی قافلوں میں سفر(Travel)کیلئے چلیں۔
اللہ کریم ہمیں رَمَضان وغیر رَمَضان میں اپنے اَعضاء کو گناہوں سے بچانے اور اِن کے ذریعے نیک و جائز کام کرنے کی تَوفِیْق عطا فرمائے۔اٰمِیْن بِجَاہِ النَّبِیِ الْاَمِیْن صَلَّی اللّٰہُ عَلَیْہِ واٰلِہٖ وَسَلَّمَ
صَلُّوْا عَلَی الْحَبِیْب! صَلَّی اللّٰہُ عَلٰی مُحَمَّد
اِجتماعی اِعتکاف کی دعوت عام کیجئے!
اے عاشقانِ رَمَضان!رَمَضانُ المبارَک کو نیکیوں میں گزارنے اور اِسے”خوش آمدید“کہنے کا طریقہ یہ بھی ہے کہ ہم اِس رَمَضانُ المبارَک میں بالخُصوص مَدَنی قافِلوں میں سَفَر کے ذریعے مسلمانوں کونیکی کی دعوت دیں،بُرائی سے منع کریں،رَمَضان المبارَک کے فضائل بتا کراُنہیں فَرْض روزے رکھنے کامَدَنی ذہن دیں،خوب خوب اِنفرادی کوشش کریں،اے کاش!ہماری اِنفرادی و اِجتماعی کوششوں سے کیےجانے والے ”اِستقبالِ رَمَضان“کی ایسی بَرکتیں ظاہر ہوں کہ ہر طرف روزوں کی مَدَنی بہاریں آجائیں،مَدَنی قافِلے کےجَدْوَل میں”فَیْضانِ رَمَضان“سے مَدَنی دَرْس وچوک دَرْس وغیرہ کا سِلسِلہ ہو،مکتبۃُ المدینہ کا پمفلٹ ”رَمَضان میں گناہ کرنے والے کا بھیانک انجام“گھر گھر پہچانے کی کوشش