دیتےہوئے فرمایا:اَنْتَ عَتِیْقٌ مِّنَ النَّارِیعنی تُو دوزخ کی آگ سےآزاد ہے۔اِس لئےآپ کو عتیق کالَقَب عطا ہوا۔(تارِیخُ الْخُلَفاء،ص ۲۶تا۲۹) حضرت سَیِّدُناصِدِّیقِ اکبررَضِیَ اللہُ عَنْہُ عام ُالِفیْل کےتقریباً اَڑھائی بَرس بعدمَکَّۂ مُکَرَّمَہ میں پیداہوئے۔ حضرت سَیِّدُنا صِدِّیقِ اکبررَضِیَ اللہُ عَنْہُ  وہ صَحابی ہیں،جنہوں نےآزادمَردوں میں سب سےپہلےرسولِ اکرم،نورِ مجسمصَلَّی اللہُ عَلَیْہِ وَاٰلِہٖ وَسَلَّم کی رِسالت کی تصدیق کی اور اِیمان لائے۔ حضرت سَیِّدُنا صِدِّیقِ اکبررَضِیَ اللہُ عَنْہُ کے فضائل وکمالات اِس قدَرزِیادہ ہیں کہ رُسُل اور اَنبیائےکِرامعَلَیْہِمُ الصَّلٰوۃُ وَالسَّلام کے بعدتمام  انسانوں میں سب سے اَفضل واَعلیٰ ہیں۔حضرت سَیِّدُنا صِدِّیقِ اکبررَضِیَ اللہُ عَنْہُ  نے زِندگی کے ہرموڑ پر مدینے والے آقا،مکی مدنی مصطفےٰ صَلَّی اللّٰہُ عَلَیْہِ واٰلِہٖ وَسَلَّمَ کاساتھ دےکرجاں نثاری ووَفاداری کا ثبوت دیا۔ (الاکمال فی اسماء الرجال ملحق بمشکاۃ المصابیح،ص ۵۸۷، تاریخ الخلفاء،ص ۲۷تا۶۶ ملخصاً و ملتقطاً)

جو یارِ غارِ محبوبِ خدا صِدِّیقِ اکبر ہیں                              وُہی یارِ مَزارِ مُصْطَفٰے صِدِّیقِ اکبر ہیں

(وسائلِ بخشش مرمم،ص۵۶۵)

صَلُّوْا عَلَی الْحَبِیْب!                                   صَلَّی اللّٰہُ عَلٰی مُحَمَّد

قرآن میں صدیقِ اکبر کی شان

پیارے پیارےاسلامی بھائیو!حضرت سَیِّدُنا صِدِّیْقِ اکبر رَضِیَ اللہُ عَنْہُ کے پاکیزہ اَوصاف اس قدر ہیں کہ یہ مختصر وَقْت ان خَصا ئص کو بیان کرنے کیلئے نا کافی ہے،حضرت سَیِّدُنا صِدِّیْقِ اکبر رَضِیَ اللہُ عَنْہُ خوفِ خدا،عشقِ مُصْطَفےٰ، صِلَۂ رحمی،حُسنِ اخلاق  اور  دیْنِ اسلام کی سربُلندی میں بہترین شخصیت تھے۔ حضرت سَیِّدُنا صِدِّیْقِ اکبر رَضِیَ اللہُ عَنْہُ نے اپنے کردار سے رہتی دُنیا تک کے مُسلمانوں کو یہ بتادیا کہ ایک اُمَّتی کااپنےآقاصَلَّی اللّٰہُ عَلَیْہِ وَاٰلِہٖ وَسَلَّمَ سےکیساتَعَلُّق(Relation) اورکیساعشق ہونا چاہئے۔