اپنانے کے بجائے سمجھانے والا انداز اِختِیار کیجئے۔ نرمی سے اور علیحدگی میں اُس کو اُس کے عیب پر مُطَّلَع کرنے کی کوشش کیجئے۔ دوسروں کے سامنے مسلمان بھائی کی اِصلاح کرنا اُسے ذلیل کرنے اور لوگوں کی نظروں سے گِرانے کےمُترادِف ہے، جس کے نتیجے میں بات عزّتِ نَفْس پرآجاتی ہے۔پھر سامنے والا لڑائی کر کے بدلہ لینے کےلئے تیار ہوجاتاہے، لہذا   کسی سے بھی جھگڑا  نہ کیجئے اور نرمی و محبت اور صبر سے کام لیجئے ٭ہاں اگرلڑنا ہی ہے تو مَردُود شیطان سے لڑیں،٭اگرلڑنا ہی ہے تو نَفْسِ اَمّارہ سےلڑائی  کریں، ٭اگرلڑنا ہی ہے تو گناہوں کے خلاف اعلانِ جنگ کرکےشیطان کا مقابلہ کیجئے، ٭اگرلڑنا ہی ہے تو غیبت و تہمت کے خلاف اعلانِ جنگ کرکے مقابلہ کیا جائے، ٭ اگر لڑنا ہی ہے توفلموں ڈراموں سے لڑائی  کیجئے،٭اگرلڑنا ہی ہے توسُود کے خلاف لڑائی کیجئے۔ ٭اگرلڑنا ہی ہے تو دھوکہ دہی اور ملاوٹ کے خلاف آواز اٹھائیے، ٭اگرلڑناہی ہے تو بدگمانیوں اور تہمتوں کے خلاف دشمنی کا اظہار کیجئے، ٭اگرلڑنا ہی ہے تو رشوت اور خیانت کے بڑھتے ہوئے رجحان کی حوصلہ شکنی کیجئے۔ اَلْغَرَض! لڑنا ہی ہے تو بُرائیوں سے لڑئیے اور معاشرے کو نیکیوں کی طرف لے جائیے۔

       ہماری نہ جانے کس کس سے ذاتی دُشمنی ہو جاتی ہے،جبکہ امیرِ اہلسنّت   دَامَتْ بَـرَکاتُہُمُ الْعَالِیَہ  کی لڑائی نفس و شیطان سے ہے،چنانچہ بارگاہِ رِسالت میں فریاد کرتے ہیں:

نہیں سرکار! ذاتی دشمنی میری کسی سے بھی                                                                          مِری ہے نفس و شیطاں سے لڑائی یارسولَ اللہ

(وسائلِ بخشش مرمم،ص۳۵۰)

شیطان کے خلاف جنگ                     جاری رہے گی اِنْ شَآءَ اللہ

صَلُّوْا عَلَی الْحَبِیْب!                                             صَلَّی اللّٰہُ  عَلٰی مُحَمَّد

       پیا رے  پیا رے ا سلامی بھائیو!شیطان کی انسان سےدشمنی کااندازہ اس بات سے