موقع کی مناسبت اور نوعیت کے اعتبار سے نیتوں میں کمی ،بیشی وتبدیلی کی جاسکتی ہے۔

نگاہیں نیچی کئے خُوب کان لگا کر بَیان سُنُوںگی۔ ٹیک لگا کر بیٹھنے کے بجائے عِلْمِ دِیْن کی تَعْظِیم کی خاطِر جہاں تک ہو سکا دو زانو بیٹھوں گی۔ضَرورَتاً سِمَٹ سَرَک کر دوسری اسلامی بہنوں کے لئے جگہ کُشادہ کروں گی۔دھکّا وغیرہ لگا تو صبر کروں گی، گُھورنے،جِھڑکنےاوراُلجھنے سے بچوں گی۔صَلُّوْا عَلَی الْحَبِیْبِ، اُذْکُرُوااللّٰـہَ، تُوبُوْا اِلَی اللّٰـہِ  وغیرہ سُن  کر ثواب کمانے اور صدا لگانے والی کی دل جُوئی کے لئےپست آواز سے جواب دوں گی۔اجتماع کے بعد خُود آگے بڑھ کر سَلَام و مُصَافَحَہ اور اِنْفِرادی کوشش کروں گی۔ دورانِ بیان موبائل کے غیر ضروری استعمال سے بچوں گی، نہ بیان ریکارڈ کروں گی نہ ہی اور کسی قسم کی آواز  کہ  اِس کی اجازت نہیں ،جو کچھ سنوں گی، اسے سن   اور سمجھ   کر اس پہ عمل کرنے اور اسے بعد میں دوسروں تک پہنچا   کر نیکی کی دعوت عام کرنے کی سعادت حاصل کروں گی۔

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

میٹھی میٹھی اسلامی بہنو! اِنْ شَآءَ اللہ!آج کے اس ہفتہ وار سنتوں بھرے اجتماع میں ہم             ” سرکارِ بغداد،حُضُورِ غوثِ پاک رَحْمَۃُ اللّٰہِ عَلَیْہ کے خاندان“کی شان و عظمت مثلاً غوثِ پاک رَحْمَۃُ اللّٰہ ِ عَلَیْہ  کے والدین رَحْمَۃُ اللّٰہ ِ عَلَیْہِما کا تقویٰ،نانا جان رَحْمَۃُ اللّٰہ ِ عَلَیْہ کے حالات،آپ رَحْمَۃُ اللّٰہ ِ عَلَیْہ کی پھوپھی جان  رَحْمَۃُ اللّٰہ ِ عَلَیْہا کی کرامت اور اس کے علاوہ معلوماتی مَدَنی پُھول سُنیں  گی۔اللہ کرے کہ ہم سارا بیان توجہ اوردِلجمعی کے ساتھ سننے کی سعادت حاصل کریں۔

میٹھی میٹھی اسلامی بہنو! سرکارِبغداد،حُضُورغوثِ اعظم رَحْمَۃُ اللّٰہ ِ عَلَیْہ نہایت عالیشان گھرانے میں پیدا ہوئے،آپ رَحْمَۃُ اللّٰہ ِ عَلَیْہ کاخاندان زُہد وتَقْویٰ کی وجہ سے بہت مشہور تھا۔آپ رَحْمَۃُ اللّٰہ ِ عَلَیْہ کی والدہ کا نام”فاطمہ بنتِ شیخ عبدُاللہ صَومَعِیرَحْمَۃُ اللہِ عَلَیْہِمَا“،والدہ رَحْمَۃُ اللّٰہ ِ عَلَیْہا کی کُنْیَت”اُمُّ الْخَیْر“جبکہ لقب”اَمَۃُ الْجَبَّار(اللہ پاک کی کنیز)“تھا۔(سیرت غوث اعظم،ص۲۷ملخصاً)آپ رَحْمَۃُ اللّٰہ ِ عَلَیْہ کے والدِگرامی کا