برسا دے رَحمت کی برکھا                                                                                                                                                    یااللہ میری جھولی بھردے

 (وسائل بخشش مرمم،ص۱۲۳)

میٹھے میٹھے اسلامی بھائیو!خاندانِ غوثِ اعظم کی یہ شان ہے تو ان کے نانا جان کے خاندان،والدینِ مصطفےٰ،اہلِ بیتِ اطہاررَضِیَ اللہُ عَنْہُم اوراُمُّہاتُ المؤمنین رَضِیَ اللہُ عَنْہُنَّ اَجْمَعِیْن کی کیا آن بان اورکیا ہی شان ہوگی اور جنہوں نے پیارے آقا صَلَّی اللّٰہُ عَلَیْہِ واٰلِہٖ وَسَلَّمَ کی صحبت پائی، ان چمکتے دَمکتے ستاروں کا کیا مقام ہوگا؟

ہر صحابیِ نبی                 جنّتی جنّتی                     چار یارِ نبی                    جنّتی جنّتی

صِدِّیق و عمر                جنّتی جنّتی                     عثمانِ غنی                    جنّتی جنّتی

فاطمہ اور علی               جنّتی جنّتی                     معاویہ اور علی               جنّتی جنّتی

حسن اورحسین بھی       جنّتی جنّتی

صَلُّوْا عَلَی الْحَبِیْب!                                             صَلَّی اللّٰہُ تَعَالٰی عَلٰی مُحَمَّد

اولیائے کرام کی صحبت کی برکات

      میٹھےمیٹھےاسلامی بھائیو!اولیائے کرام کی صحبت بگڑیاں بنادیتی ہے،اولیائے کرام کی صحبت شیطان سے بچنے کا کامیاب ترین ہتھیار ہے،اولیائے کرام کی صحبت شیطان کے واروں کو پہچاننے کا زبردست ذریعہ ہے،اولیائے کرام کی صحبت ربِّ کریم کی پہچان کا ذریعہ ہے،اولیائے کرام کی صحبت نیکیوں کا حریص اور گناہوں سےنفرت کرنے والا بنادیتی ہے،اولیائے کرام کی صحبت دنیا  و آخرت کی بھلائیاں پانے کا نسخہ ہے،اولیائے کرام کی صحبت ولایت کی منزل تک پہنچادیتی ہے۔الغرض اولیائے کرام کی صحبت میں رہنے والا انسان ان کے فیوض و برکات سے خوب مالا مال ہوتا اور رضائے الٰہی پانے میں