(وسائل بخشش مرمم،ص۳۰۵)

صَلُّوْا  عَلَی  الْحَبِیْب!                                       صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!حُصُولِ ثَواب کی خَاطِر بَیان سُننےسےپہلےاَچّھی اَچّھی نیّتیں کر لیتےہیں۔فَرمانِ مُصْطَفٰےصَلَّی اللّٰہُ عَلَیْہِ واٰلِہٖ وَسَلَّمَ’’نِـيَّةُ الْمُؤْمِنِ خَـیـْرٌ مِّـنْ عَمَلِهٖ‘‘مُسَلمان کی نِیَّت اُس کےعَمل سے بہترہے۔^([1])

مدنی پھول:جِتنی اَچّھی نیّتیں زِیادہ،اُتنا ثواب بھی زِیادہ۔

بَیان سُننے کی نیّتیں

نگاہیں نیچی کئے خُوب کان لگا کر بَیان سُنُوں گا۔٭ٹیک لگا کر بیٹھنے کے بجائے عِلْمِ دِیْن کی تَعْظِیم کی خاطِر جہاں تک ہو سکا دو زانو بیٹھوں گا۔٭ضَرورَتاً سِمَٹ سَرک کر دوسرے کے لئے جگہ کُشادہ کروں گا۔ ٭دَھکّاوغیرہ لگاتوصبرکروں گا، گُھورنے،جِھڑکنےاوراُلجھنےسےبچوں گا۔٭صَلُّوْا عَلَی الْحَبِیْبِ،اُذْکُرُوا اللّٰـہَ، تُوبُوْا اِلَی اللّٰـہِ  وغیرہ سُن کر ثواب کمانے اورصدا لگانے والوں کی دل جُوئی کے لئے بلند آواز سے جواب دوں گا۔٭اجتماع کے بعد خُود آگے بڑھ کر سَلَام و مُصَافَحَہ اور اِنْفِرادی کوشش کروں گا ۔

صَلُّوْا عَلَی الْحَبِیْب!                                        صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی  بھائیو!اِنْ شَآءَ اللہ!آج کے ہفتہ وار سنّتوں بھرے اجتماع میں ہم” سرکارِ بغداد،حُضُورِ غوثِ پاک رَحْمَۃُ اللّٰہِ عَلَیْہ کے خاندان“کی شان و عظمت مثلاً غوثِ پاک رَحْمَۃُ اللّٰہ ِ عَلَیْہ  کے والدین رَحْمَۃُ اللّٰہ ِ عَلَیْہِما(یعنی والد اوروالدہ،Parents)کا تقویٰ،آپ کے نانا جان رَحْمَۃُ اللّٰہ ِ عَلَیْہ کے حالات، آپ رَحْمَۃُ اللّٰہ ِ عَلَیْہ کی پھوپھی جان  رَحْمَۃُ اللّٰہ ِ عَلَیْہا کی کرامت اور اس کے علاوہ بہت سارے معلوماتی مَدَنی پُھول سُنیں گے۔اللہ کرے کہ ہم سارا بیان توجہ اوردِلجمعی کے ساتھ سننے کی سعادت حاصل کریں۔