Ghos-e-Pak Ka Khandan

Al Quran Books Madani Channel

Magazine Courses Media

مری ڈُوبتی ناؤ کو دو سہارا ذرا جلد آؤ اِدھر غوثِ اعظم

یہاں بھی سہارا وہاں بھی سہارا اِدھر غوثِ اعظم اُدھر غوثِ اعظم

میں بغداد کا کوئی سگ ہوتا اور کاش! مجھے رکھتے تم باندھ کر غوثِ اعظم

(وسائل بخشش مرمم،ص۵۵۸)

سُبْحٰنَ اللہ!سنا آپ نے! پیروں کے پیر ، پیر دَسْتْ گیر،روشن ضمیر ،قُطبِ رَبّانی، محبوبِ سُبحانی، پیرِ لاثانی،غوثِ صمدانی،پیرِ پیراں، میرِ میراں،شیخ سیِّدابو محمّد عبدُ القادِر جِیلانی رَحْمَۃُ اللّٰہ ِ عَلَیْہ کیسی شان و شوکت والے ہیں کہ آپ رَحْمَۃُ اللّٰہ ِ عَلَیْہ کے وجودِ مسعود کی برکت سے شیطان بھاگ گیا اور آپ رَحْمَۃُ اللّٰہ ِ عَلَیْہ کی زوجَۂ محترمہ رَحْمَۃُ اللّٰہ ِ عَلَیْہا اس مردود کے خفیہ وار سے محفوظ ہوگئیں۔

معلوم ہوا !شیطان بڑا مکّار وعیّارہے،وہ طرح طرح کےجادُوئی کرتب( (Magical tricks بھی دکھاتاہے،اس کے وار سے ہمیشہ خبردار رہنا چائیے، اپنی عقل وہوشیاری پر اعتماد کرنے کے بجائے اللہ پاک کے فضل وکرم پر نظر رکھنی چائیے۔یاد رہے! جس کے پاس مال ہوتا ہے اُس کے پاس چور آتا ہے،جس کے پا س دولتِ ایمان ہے اُس کے پاس ایمان کا لٹیرا شیطان ضرور آتاہے،جس کا ایمان جتنا مضبوط ہوتا ہے، اس کے پاس اسی قدر نیکیوں کے خزانے کی بھی کثرت ہوتی ہے،لہٰذا وہاں شیطان بَہُت زیادہ زور لگاتا ہے۔ہمارے پیرومرشِد حُضُور ِغوثِ اعظم رَحْمَۃُ اللّٰہ ِ عَلَیْہ کی زوجۂ محترمہ رَحْمَۃُ اللّٰہ ِ عَلَیْہا کے پاس ایمان واعمال کے خزانے کے انبار دیکھ کر شیطان نے ڈاکا ڈالنے اور آپ کو گمراہ کرنے کی خطرناک کوشش کی مگراللہ پاک کے فضل و کرم اور ولیوں کے سردار،حضورغوثِ پاک رَحْمَۃُ اللّٰہ ِ عَلَیْہکی برکت سے وہ مردود ناکام و نامُراد ہوگیا ۔

دمِ نزع شیطاں نہ ایمان لے لے حفاظت کی فرما دعا غوثِ اعظم

Important

Mobile Apps

Contact Us