ايندڙ هفتيواراجتماع جي بيان جون جھلڪيون

مٺا مٺا اسلامي ڀائرو!اِنْ شَــآءَالـلّٰـه عَزَّوَجَلَّ ايندڙ هفته وار اِجتماع جي بيان جو موضوع ”سيرتِ مفتيِ دعوتِ اسلامي رَحْمَةُ اللهِ تَعَالٰی عَلَيْه“ آهي، جنهن ۾ اسان صحابَه ڪرام ۽ ٻين نيڪ ٻانهن جي نيڪين جي حرص جا ڪجھ واقعا ٻڌنداسين. ان سان گڏوگڏ اسان مفتي دعوت اسلامي مفتي محمد فاروق عطاري مدني رَحْمَةُ اللهِ تَعَالٰی عَلَيْه جي سيرت ۽ ڪردار جون جهلڪيون سندن زندگي جي مختلف پهلوئن جيئن ته سندن نرمي، تقوي ۽ پرهيزگاري ۽ امير اهلسنت سان سندن محبت جي باري ۾ ٻڌنداسين، وقت بوقت مختلف مدني گل پڻ حاصل ڪنداسين، امير اهلسنت جا مفتي دعوت اسلامي بابت ڪهڙا جذبات آهن اهي به ٻڌنداسين، تنهنڪري آئنده جمعرات به اجتماع ۾ حاضري جي نيت ڪريو، نه صرف پاڻ اچڻ جي بلڪ انفرادي ڪوشش ڪري ٻين کي به گڏ آڻڻ جي نيت ڪريو ۽ هٿ کڻي زور سان چئو: اِنْ شَــآءَالـلّٰـه عَزَّوَجَلَّ.

صَلُّوْا عَلَي الْحَبِيب!                                                                   صَلَّي اللّٰه تَعَالٰي عَلٰي مُحَمَّد

دعوتِ اسلامي جي هفتيوار سنتن ڀري اِجتِماع ۾ پڙهيا ويندڙ 6 درود شريف ۽ 2 دعائون

﴿1﴾ جمعه جي رات جو دُرُود

اَللّٰھُمَّ صَلِّ وَسَلِّمْ وَبَارِكْ عَلٰی سَیِّدِنَا مُحَمَّدٍ النَّبِیِّ الْاُمِّیِّ الْحَبِیْبِ الْعَالِی الْقَدْرِ الْعَظِیْمِ الْجَاہِ وَ عَلٰی اٰلِہٖ وَ صَحْبِہٖ وَ سَلِّمْ

 بزرگن فرمايو آهي ته جيڪو شخص هر جمعرات (جمعه ۽ خميس جي وچين رات) هن دُرُود شريف کي پابندي سان گھٽ ۾ گھٽ هڪ ڀيرو پڙهندو موت جي وقت سرڪار مدينه صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ جي زيارت ڪندو ۽ قبر ۾ داخل ٿيڻ وقت به ايستائين هو ڏسندو ته سرڪار مدينه صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ ان کي پنهنجي هٿن سان قبر ۾ داخل ڪري رهيا آهن. ^([1])