تَعَالٰی عَلَیْہِ واٰلِہٖ وَسَلَّمَ کی رِضا حاصل کرنے کیلئے  زِیادہ سے زِیادہ نیک اَعمال کریں ، آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی ذاتِ بابرکت پر کثرت سے دُرُودوسلام کے گَجرے نچھاور کریں، آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  کی سُنّتوں پر عمل کریں اور دُوسروں کو بھی سکھائیں تاکہ  حُضُور صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  خُوش ہوکر روزِ محشر اپنے  گُنہگار اُمَّتیوں کی شَفاعت فرماکر جَنَّت میں  ہمیں بھی اپنے ساتھ لیتے جائیں ۔

یا الٰہی جب پڑے محشر میں شورِ دارو گیر      امن دینے والے پیارے پیشوا کا ساتھ ہو

یا الٰہی جب زبانیں باہر آئیں پیاس سے     صاحبِ کوثر شہِ جود و عطا کا ساتھ ہو

یا الٰہی سرد مِہری پر ہو جب خورشیدِ حشر      سیّدِ بے سایہ کے ظِلّ لِوا کا ساتھ ہو

یا الٰہی گرمِیِ محشر سے جب بھڑکیں بدن     دامنِ محبوب کی ٹھنڈی ہوا کا ساتھ ہو

یا الٰہی نامۂ اعمال جب کُھلنے لگیں            عیب پوشِ خلق ستّارِ خطا کا ساتھ ہو

صَلُّوْا عَلَی الْحَبِیْب!                                            صَلَّی اللّٰہُ تَعَالٰی عَلٰی مُحَمَّد

تَعارُفِ سَیِّدُنا عمرفاروق ِاعظم رَضِیَ اللہُ تَعَالٰی عَنْہ

خلیفۂ دُوُم، جانَشینِ پیغمبر، حضرتِ سیِّدُنا عُمَر رَضِیَ اللّٰہُ تَعَالٰی عَنْہُ  کی کُنْیَت’’ابُوحَفْص‘‘اورلقَب ’’فارُوقِ اَعظم‘‘ہے۔ ایک روایت میں ہے آپ رَضِیَ اللہُ تَعَالٰی عَنْہُ 39مَردوں کے بعد،  خاتَمُ الْمُرْسَلین،  رَحْمَۃٌ لِّلْعٰلَمِیْن صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی دُعا سے اِعلانِ نَبُوَّت کے چھٹے سال اِیمان لائے، ا سی لئے آپ رَضِیَ اللہُ تَعَالٰی عَنْہُ کومُتَمِّمُ الْاَربَعِین یعنی’’40 کا عَدد پُورا کرنے والا‘‘ کہتے ہیں۔آپ رَضِیَ اللہُ تَعَالٰی عَنْہُ کے اِسلام قَبول کرنے سے مُسلمانوں کو بے حَد خُوشی ہوئی اوراُن کو بَہُت بڑا سہارا مل گیا یہاں تک کہ حُضُور،  رحمتِ عالَم، جانِ عالَم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے مُسلمانوں کے ساتھ مل کر حَرَم ِمُحْتَرم میں اِعْلانیہ نَماز اَدا فرمائی۔آپ رَضِیَ اللہُ تَعَالٰی عَنْہُ اِسلامی جنگوں میں مُجاہِدانہ شان کے ساتھ شریک رہے اور تمام مَنْصُوبہ بندیوں میں شاہِ خَیْرُالْاَنام، رسُولِ عالی مَقام صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے وزیرومُشیر کی حَیْثیَّت سے وَفادار و رفیقِ کار رہے۔خلیفۂ اَوَّل، اَمِیْرُالْمُؤمِنِین حضرتِ سَیِّدُناابُوبکرصِدِّیقرَضِیَ اللہُ تَعَالٰی عَنْہُنے اپنے بعد حضرتِ سَیِّدُنا فارُوقِ اَعْظَم رَضِیَ اللہُ تَعَالٰی عَنْہُ کوخلیفہ مُنْتَخَب فرمایا، آپ رَضِیَ اللہُ تَعَالٰی عَنْہُ نے تَخْتِ خِلافت پر رَونق اَفروز رہ کر جانَشینی ٔ مُصْطَفٰے صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی تمام تَر ذِمّے داریوں کو بہت ہی اچھے انداز سےسر اَنجام دیا۔

بالآخرنَمازِ فَجْر میں ایک بدبخت نے آپ رَضِیَ اللہُ تَعَالٰی عَنْہ پرخنجر سے وارکیااورآپ رَضِیَ اللہُ تَعَالٰی عَنْہ زَخموں کی تاب نہ لاتے ہوئے تیسرے دن شَرفِ شَہادَت سے سَرفَراز ہوگئے ۔ بَوَقْتِ وَفات آپ رَضِیَ اللہُ تَعَالٰی عَنْہُ کی عُمر شریف63  برس تھی۔ حضرتِ سَیِّدُنا صُہَیْب رَضِیَ اللہُ تَعَالٰی عَنْہُ نے آپ رَضِیَ اللہُ تَعَالٰی عَنْہُ کی نَمازِ جنازہ پڑھائی اور گوہرِ نایاب ،  فیضانِ نَبُوَّت سے فَیض یاب، خلیفۂ رِسالت مآب حضرتِ سَیِّدُناعمر