جہاں کہیں گُنْبدِ مُبارَک پر نظر پڑے، فوراً دَسْت بَسْتَہ (ہاتھ باندھ کر) اُدھر مُونھ(مُنہ) کرکے صلوٰۃ و سلام عرض کیجئے، اِس کے بغیر ہرگز نہ گُزریےکہ خلافِ ادب ہے٭ قبر ِکریم کو ہر گز پیٹھ نہ کی جائے اور حتّی الاِمکان نماز میں بھی ایسی جگہ نہ کھڑے ہوں کہ پیٹھ کرنی پڑے٭روضَۂ اَنْور کا نہ طواف کیجئے، نہ سجدہ، نہ اُس کے سامنے اتنا جھکئے کہ رُکوع کے برابر ہو۔ رسولُاللہصَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی تعظیم اُن کی اطاعت میں ہے(اورروضَۂ اَنور کا سجدہ و طواف کرنا یا اُس کے آگے رُکوع کی حَد تک جھکنا اِطاعتِ رسول کے خِلاف ہے)۔ ^([1])

کتاب”عاشقانِ رسول کی130 حکایات “ کا تعارف

میٹھی میٹھی اسلامی بہنو! عاشقانِ رسول کے سفرِمدینہ و حاضریِ مدینہ سے مُتَعَلّق  مزید دلچسپ حِکایات اور مکّہ و مدینہ کے بارے میں حیرت انگیز واقعات کی معلومات جاننے اور اپنے دل میں حاضریِ مدینہ کی سچّی تڑپ پیدا کرنے کے لئے شیخِ طریقت،اَمِیْرِاَہلسنّت،بانیِ دعوتِ اسلامی حضرتِ علّامہ مَوْلانا ابو بلال محمد الیاس عطّار قادِری رَضَوِی ضِیائی دَامَتْ بَـرَکاتُہُمُ الْعَالِیَہ   کی مُرتَّب کردہ کتاب بنام”عاشقانِ رسول کی 130 حکایات مع مکّے مدینے کی زِیارَتیں“ کا مُطالعہ نہایت مُفِیْد ہے۔آپ دَامَتْ بَـرَکاتُہُمُ الْعَالِیَہ   نے اس کتاب میں زائرینِ مدینہ کی51،مشہور عاشقِ رسول بُزرگ حضرتِ سَیِّدُنا امام مالک کی 12،حاجیوں کی42، صالحات کی6، عُلمائے اہلسنّت کی17،جِنّات کی7 اورحَیْوانات کی9 حِکْمت سے بھرپُور حِکایات تحریر فرمائی ہیں نیز اِس کے علاوہ بھی اِس میں بہت سی مَعْلُومات فَراہَم کی گئی ہیں ۔آپ تمام اسلامی بہنوں سے مدنی اِلْتِجا ہے کہ اِس کتاب کومکتبۃُ المدینہ سے ھَدِیّۃً طَلَب فرماکر نہ صرف خُود اِس کا مُطالعہ کیجئے بلکہ حسبِ اِسْتِطاعت زیادہ تعداد میں