Book Name:Walid K Sath Husn e Sulook
ہے۔عاشِقانِ رسول مَدَنی مُذاکروں میں عَقائد و اَعمال، فضائل و مَنَاقِب،شریعت و طریقت، تاریخ وسیرت، سائنس وطِبّ،اَخلاقیات و اِسلامی مَعْلُومات، معاشی و مُعاشرتی و تنظیمی مُعاملات اور دیگر بہت سے مَوضُوعات(Topics)کے مُتَعَلِّق مختلف قسم کے سُوالات کرتے ہیں اور شَیْخِ طریقت،امیر ِ اَہلسنَّت دَامَتْ بَـرَکاتُہُمُ الْعَالِیَہ اُنہیں حکمت آموز اور عشقِ رسول میں ڈُوبے ہوئے جوابات سے نَوازتے ہیں۔اَلْحَمْدُ لِلّٰہ عَزَّ وَجَلَّ”مجلس مَدَنی مذاکرہ“کے تحت شَیْخِ طریقت، امیرِ اہلسنّت دَامَتْ بَـرَکاتُہُمُ الْعَالِیَہ کے اِن عطا کردہ دِلچسپ اورعِلْم و حکمت سے بھرپور مَدَنی پُھولوں کی خُوشبوؤں سے دُنیا بھر کے مُسلمانوں کو مہکانے کیلئے اِن مَدَنی مُذاکروں کو تحریری رِسالوں،وی سی ڈیزاور میموری کارڈز کی صُورت میں پیش کرنے کی کوششیں جاری ہیں۔
اللہ کرم ایسا کرے تجھ پہ جہاں میں اے دعوتِ اسلامی تری دُھوم مچی ہو
(وسائلِ بخشش مرمم،ص۳۱۵)
تربیت اولاد کے بارے میں مزید معلومات کے لئے مکتبۃ المدینہ کی کتاب”تربیتِ اولاد“اور رسالہ ”اولاد کے حُقوق“کا مطالعہ کرنا انتہائی مفید ہے۔
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
میٹھی میٹھی اسلامی بہنو!ماہِ ذُوالْحِجَّۃِ الْحَرام کا مبارک مہینا اپنی برکتیں لٹارہا ہے۔اس مہینے کی14تاریخ کو شیخِ طریقت،امیرِ اہلسنّت حضرت علامہ مولانا ابو بلال محمد الیاس عطار قادری رضوی ضیائی دَامَتْ بَـرَکاتُہُمُ الْعَالِیَہ کے والدِمحترم کا یوم منایا جاتا ہے۔آئیے!اسی مناسبت سے آپ رَحْمَۃُ اللّٰہ ِتَعَالٰی عَلَیْہ کی سیرت کے چند پہلوؤں کے بارے میں سنئے،چنانچہ
ابو عطاررَحْمَۃُ اللّٰہ ِتَعَالٰی عَلَیْہکا ذِکْرِ خَیر