Book Name:Aashiqoon Ka Hajj
کتابوں کے اَوراق گرے پڑے نظر آتے ہیں،ممکنہ صورت میں اُن کو اُٹھا لیجئے مگر طواف میں کعبہ شریف کو پیٹھ یا سینہ نہ ہو اِس کا خیال رکھئے۔البتّہ کسی کی گِری پڑی رقم یا بَٹوا وغیرہ نہ اُٹھایئے ٭حجازِ مقدَّس میں ننگے پاؤں رہنا اچّھا ہے مگر گھر اور مسجِد کے حمّام اور راستے کی کیچڑ وغیرہ میں چپّل پہن لیجئے۔نیز گرد آلود اور میلے کُچیلے پاؤں لیکر مسجدَینِ کریَمین بلکہ کسی مسجِد میں بھی داخِل نہ ہوں، اگر صفائی نہیں رکھ پائے تو بِغیرچپّل مت رہئے ٭ مُستَعمَل(یعنی استِعمالی) چپّل پہن کر بیسن پر وُضو کرنے سے احتیاط کیجئے کہ اکثر نیچے پانی بکھرا ہوتا ہے اگر چپّل ناپاک ہوئے تو اندیشہ ہے کہ چھینٹے اُڑکر آپ کے لباس وغیرہ پر پڑیں۔ ٭ مِنٰی شریف کے استِنجا خانوں کے نل میں عام طور پر پانی کا بہاؤ کافی تیز ہوتا ہے، لہٰذابَہُت تھوڑا تھوڑا کھولئے تاکہ آپ چھینٹوں سے محفوظ رہ سکیں ۔
صَلُّوْا عَلَی الْحَبِیْبِ! صَلَّی اللّٰہُ تَعَالٰی عَلٰی مُحَمَّد
اَلْحَمْدُ لِلّٰہ عَزَّ وَجَلَّ!عاشقانِ رسول کی مدنی تحریک دعوتِ اسلامی دنیا بھر میں نیکی کی دعوت عام کرنے اور سُنَّتوں کی دُھومیں مَچانے کیلئے 104سے زائد شُعْبہ جات میں کام کررہی ہے ۔اِنہی میں سے ایک شُعْبہ ’’مَجلسِ تَوقیت ‘‘بھی ہے۔تَوْقِیت سے مُراد وہ عِلْم ہے جس کی مدد سے دُنیا کے کسی بھی مقام کے لئے نمازِ پنجگانہ، طُلوع و غُروب،نِصْفُ النَّـھَاراور مِثْلِ اوّل و ثانی وغیرہ کے اَوْقات معلوم کئے جاتے ہیں نیز دُرست سَمتِ قِبلہ کا تَـعَـیُّن کِیا جاتا ہے۔’’مَجلسِ تَوقیت ‘‘نے علمِ توقیت کے ذَرِیْعے نمازوں کے اَوْقات ،طُلُوع وغُروب اورسمتِ قِبْلہ کی دُرُسْت مَعْلُومات نَقْشہ کی صُورت میں جمع کی ہیں۔اَلْحَمْدُ لِلّٰہ عَزَّ وَجَلَّ!مجلسِ تَوقیت نے اب تک نہ صِرْف عِلْم ِتَوقیت کے اُصُول و قَوانین کے مُطَابِق بے شُمار شہروں کے’’اَوقاتُ الصَّلٰوۃ ‘‘کے نَقْشہ جات تیار کئے ہیں بلکہ اس سلسلے میں مزید ایک قَدَم بڑھاتے