اِمام محمدبن سِیرین رَحْمَۃُاللہ تَعَالٰی عَلَیْہ کی بہن حضرت حَفصہ بن سیرین رَحْمَۃُاللہ تَعَالٰی عَلَیْہا بصرہ میں  ایک انتہائی عبادت گزار خاتون تھیں ، آپ ساری رات نماز پڑھتے ہوئے گزار دیتیں  اور نماز میں  آدھا قرآنِ پاک تلاوت فرماتیں ۔بسا اوقات اپنی نماز پڑھنے کی جگہ پر اتنی دیر نماز میں  کھڑی رہتیں  کہ آپ کا چَراغ  بجھ جاتا، لیکن آپ کیلئے صُبح تک (چراغ کی روشنی کے بغیر) گھر روشن رہتا۔(صراط الجنان، ۷/۵۳)

اے نفس تُو کتنا سوئے گا؟

حضرتِ رَابعہ بصریہرَحْمَۃُاللہ تَعَالٰی عَلَیْہا کی اپنی وفات تک یہ عادت رہی کہ آپ ساری رات نماز پڑھتی رہتیں  اور جب فجر کا وقت قریب ہوتا تو تھوڑی دیر کے لئے سو جاتیں ،پھر بیدار ہو کرکہتیں : اے نفس!تم کتنا سوؤ گے اور کتنا جاگو گے، عنقریب تم ایسی نیند سو جاؤ گے کہ اس کے بعد قیامت کی صبح کو ہی بیدار ہو گے۔ (روح البیان، الفرقان، تحت الآیۃ: ۶۴، ۶/۲۴۲)

جاگنا ہے جاگ لے اَفلاک کے سائے تلے

حشر تک سوتا رہے گا خَاک کے سائے  تلے

رات میں  عبادت کرنے کے فوائد:

میٹھے میٹھے اسلامی بھائیو! بُزرگانِ دین کے واقعات کو سُن کر ہمارے دل میں بھی  رَبِِّ کریم کی عبادت کا شُوق پید ا ہوا ہوگا، لہٰذاہمیں بھی کوشش کرنی چاہیے کہ  نمازِ عشا ء باجماعت پڑھ کر کچھ دیر آرام (Rest) کرنے کے بعد سُستی اڑاکر   رات کے وقت کچھ نہ کچھ عبادت وتلاوت کا معمول بنائیں کہ رات میں عبادت کرنے کے بڑے فوائد ہیں ۔آئیے! تفسیرِ صراطُ الْجِنان کی روشنی میں  اس کے کچھ فوائد سنتے ہیں ۔

          یاد رہےکہ جو عبادت جس وقت کرنا فرض ہے اسے اس وقت ہی کیا جائے گا،البتہ نفلی عبادت رات میں  کرنا دن کے مُقابلے میں  زیادہ فائدہ مند ہے،(1) اس وقت قرآن ِپاک کی تلاوت کرنے اور سمجھنے میں  زیادہ دِل جَمعی حاصل ہوتی ہے کیونکہ اس وقت شورو غل نہیں  ہوتا بلکہ سکون اور اطمینان