صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!بَیان کردہ واقِعے سے ہمیں چند  مَدَنی پھول حاصل ہوئے مَثَلاً٭ خَلیفۂ اعلیٰ حضرت،صَدْرُ الْافَاضِل حضرت علّامہ مولانا مفتی سَیِّد محمد نعیمُ الدِّین مُراد آبادی رَحْمَۃُ اللّٰہ ِتَعَالٰی عَلَیْہ ایک باکرامت بُزرگ تھے،جِن کی کرامَت سے مِیْلاد شریف کے لڈّوؤں میں اِس قَدَر بَرَکت ہوئی کہ تما م حاضِرین میں تقسیم ہونے کے بعد بھی اُن لڈّوؤں کی تعداد اِتنی ہی رہی کہ جِتنی آپ کے رُومالِ باکمال کے ڈالنے سے قَبْل تھی،٭مَحافِلِ مِیْلاد یا اَعراسِ بُزرْگانِ دِین وغیرہ کے موقع پر بِریانی یا قورمے وغیرہ کے ذریعے لنگر کرنا ضروری نہیں،لڈّو،بالُو شاہی یا اِس طرح کے کسی ہلکے پھلکے آئٹم کا لنگر کردینے سے بھی مِیْلاد شریف کی بَرَکتیں نصیب ہوں گی،٭جَشنِ وِلادتِ سَرکار کی خوشیاں منانا اور اِس موقع پر تَبَرُّک کا اِہْتِمَام  کرنا کوئی بُری یا نئی بات نہیں بلکہ یہ تو ہمیشہ سے  مسلمانوں کا طریقہ رہا ہے چُنانچہ

شارِحِ بُخاری حضرت سَیِّدُنا اِمام قَسْطَلانیرَحْمَۃُ اللّٰہ ِتَعَالٰی عَلَیْہ فرماتے ہیں:حُضور نَبِیِّ کریم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی پیدائش(Birth) کے مہینے میں اَہلِ اِسلام ہمیشہ سے محفلیں مُنْعَقِد کرتے،خوشی کے ساتھ کھانے پکاتے، کھانے کی دَعْوَت کرتے،(رَبِیْعُ الْاَوَّل کی)اِن راتوں میں اَنواع و اَقسام کی خَیْرات کرتے اور خوشی ظاہِر کرتے چلے آئے ہیں۔(مواہب لدنیہ،الاحتفال بالمولد،۱/۱۴۸)

کیوں بارہویں پہ ہے سبھی کو پیار آگیا                                                                                                            آیا اِسی دن اَحمدِ مُختار آگیا

گھر آمِنہ کے سَیّدِ اَبرار آگیا                                                                                                                                                خوشیاں مَناؤ غَمزدو غمخوار آگیا

(وسائل بخشش مرمم، ص۲۰۰)

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

سَرکار کی آمد مَرحبا٭سَردار کی آمد مَرحبا٭سَالار کی آمد مَرحبا٭مُختار کی آمد مَرحبا٭غمخوار کی آمد مَرحبا٭تاجدار کی آمد مَرحبا٭شاندار کی آمد مَرحبا