آجاتیں اور فَضا نُور بار ہوجاتی ہے،پِیارے آقا،مدینے والے مُصْطَفٰے صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ  کے دِیوانوں میں خُوشی کی لہر دوڑ جاتی ہے،بُوڑھا ہو یا جوان ہر حقیقی مسلمان گویا  دِل کی زَبان سے بول اُٹھتا ہے کہ

نُور والا آیا ہے ہاں نُور لیکر آیا ہے                        سارے عالَم میں یہ دیکھو نُور کیسا چھایا ہے

چار جانِب روشنی ہے سب سَماں ہے نُور نُور              حَق نے پیدا آج اپنے پیارے کو فَرمایا ہے

آؤ آؤ نُور کی خَیرات لینے کو چلیں                        نُور والا آمِنہ بی بی کے گھر میں آیا ہے

جُوں ہی آمد ماہِ مِیْلادِ مُبارَک کی ہُوئی                   اَہلِ اِیماں جُھوم اُٹھے شَیْطاں کو غُصّہ آیا ہے

(وسائل بخشش مرمم،ص۴۶۰-۴۶۱)

صَلُّوْا عَلَی الْحَبِیْب!                                                      صَلَّی اللّٰہُ تَعَالٰی عَلٰی مُحَمَّد

اَلْحَمْدُ لِلّٰہ عَزَّ  وَجَلَّکثیر عاشِقانِ رَسُول جشنِ مِیْلادِ مُصْطَفٰے کی خُوشی میں ماہِ مِیْلاد میں خُصُوصاً اِبتِدائی 12 دِنوں میں مُخْتَلِف مَقامات پر اِجتِماعِ ذِکْر و نَعْت اورمدنی مذاکرہ اجتماعات کا اِہْتِمَام کرتے،اِن میں شِرکَت فرماتے،گھروں، دُکانوں،کارخانوں،گاڑیوں،بازاروں،گلیوں اورمَحَلّوں کو مدنی پَرچَموں اور بَرْقِی Electrical))قُمْقُموں سے سَجاتے،جُھوم کر،لَب چُوم کر،ہاتھوں میں مدنی پَرچم تھامے،مَرحبا یا مُصْطَفٰے کی صَداؤں میں جُلوسِ مِیْلاد کی دُھومیں مَچاتے،اللہ عَزَّ  وَجَلَّ کے رَسُول،رَسُولِ مَقبول ،گُلشنِ آمِنہ کے مہکتے پُھول صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی بارگاہِ مُقَدَّسَہ میں دُرُود و سَلام کے نَذرانے پیش کرتے،تَقسیمِ رَسائل کی ترکیب فرماتے اور دِل کھول کر لنگرِ مِیلاد کا اِہْتِمَام فرماتے ہیں۔آئیے!نُور والے آقا،کائنات کو جگمگانے والے داتا صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کےاِس نُورانی مہینے کے نُورانی اَیَّام کی رُوْحانی بَرَکتوں سے فَیْضیاب ہونے کی نِیَّت سے عاشِقِ ماہِ مِیْلاد،اَمیرِ اَہلسُنّت دَامَتْ بَـرَکاتُہُمُ الْعَالِیَہ کی تَصْنِیف”فَیْضانِ سُنّت“سے  ایک اِیمان اَفْروز واقِعہ سُنتے ہیں چُنانچہ