جیسا کہ اللہ عَزَّ  وَجَلَّ فرماتا ہے:

وَ مَاۤ اَرْسَلْنٰكَ اِلَّا رَحْمَةً لِّلْعٰلَمِیْنَ(۱۰۷) (پ۱۷،الانبیآء:۱۰۷)   

ترجَمۂ کنزُ الایمان:اور ہم نے تمھیں نہ بھیجا مگر رَحمت سارے جہان کے لئے۔

اور اگر بِالفَرْض اِس آیت میں مُتَعَیَّن(خاص) طور پر فَضْل و رَحمت سے مُراد سَرکارِ دوعالَم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی ذاتِ مُبارَکہ نہ بھی ہو تو جُداگانہ طور پر تو اللہکے رَسُول صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ یقیناً اللہتعالٰی کاعظیم ترین فَضْل اور رَحمت ہیں۔لہٰذا نَبِیِّ کریم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی ذات ِ مُبارَکہ کےحوالے سے خُوشی مَنائی جائے گی،خواہ وہ مِیْلاد شریف کرکے ہو یا مِعْرَاج شریف مَنانے کے ذَریعے، ہاں!اگر کسی بَدنصیبUnfortunate))کیلئے یہ خوشی کامَقام ہی نہیں ہے تو اُس کا مُعَامَلَہ جُدا ہے،اُسے اپنے اِیمان کے مُتَعَلِّق سوچنا چاہیے۔(صراط الجنان،۴/۳۴۰ ملتقطاً)

جب تلک یہ چاند تارے جِھلْملاتے جائیں گے            تَب تلک جشنِ وِلادَت ہم مَناتے جائیں گے

اُن کے عاشِق نُور کی شَمعیں جَلاتے جائیں گے            جبکہ حاسِد دِل جلاتے سٹپٹاتے جائیں گے

لاکھ شَیْطاں ہم کو روکے فَضْلِ ربّ سے تا اَبَد               جَشن، آقا کی وِلادَت کا مَناتے جائیں گے

(وسائلِ بخشش مرمم،ص۴۱۶-۴۱۷)

اچھے کی آمد …مَرحبا…سچے کی آمد …مَرحبا…سوہنے کی آمد …مَرحبا…موہنے کی آمد  …مَرحبا … مُختار کی آمد …مَرحبا!مَرحبا یا مُصْطَفٰے…مَرحبا یا مُصْطَفٰے…مَرحبا یا مُصْطَفٰے…مَرحبا یا مُصْطَفٰے

صَلُّوْا عَلَی الْحَبِیْب!                                                      صَلَّی اللّٰہُ تَعَالٰی عَلٰی مُحَمَّد

وہ جو نہ تھے تو کچھ نہ تھا!

میٹھے میٹھے اسلامی بھائیو!یقیناً ہمیں جو بھی نعمتیں مُیَسَّر ہیں وہ سب رَسُولِ بے مثال،بی بی آمِنہ کے لال،مَحبوبِ ربّ ذُوالْجَلال صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے وُجودِ مَسعود ہی کا صَدَقَہ ہے،آپ