مجھے گَر دِید ہوجائے،تو میری عِیْد ہوجائے              تِرا دیدار جب ہوگا، مجھے حاصِل خوشی ہوگی

میں بَن جاؤں سَراپا ”مَدَنی اِنْعَامات“ کی تَصویر         بَنُوں گا نیک یااللہ اگر رَحمت تِری ہوگی

(وسائل بخشش مرمم،ص۳۹۳-۳۹۱)

صَلُّوْا عَلَی الْحَبِیْب!                                             صَلَّی اللّٰہُ تَعَالٰی عَلٰی مُحَمَّد

عِیدوں کی عِید

میٹھےمیٹھےاسلامی بھائیو!سَرکارِ اَبدِقَرار،ہم بےکسوں کے مددگار،شَفیعِ روزِ شُمار صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی وِلادَتِ باسعادت کا دِن عاشِقانِ مُصْطَفٰے کے لئے عِید سے کم نہیں بلکہ یہ تو عِیدوں کی بھی عِید ہے کیونکہ اِس دن جانِ جہان،رَحمتِ عالَمیان،سَیّاحِ لامکان،مَحبوبِ رَحمٰنصَلَّی اللّٰہُ تَعَالٰی عَلَیْہِ واٰلِہٖ وَسَلَّمَ اِس دُنیا میں رَحمت بَن کر جَلوہ گَر ہوئے۔شارِحِ بُخاری حضرت سَیِّدُنا اِمام قَسْطَلَانی رَحْمَۃُ اللّٰہ ِتَعَالٰی عَلَیْہ فرماتے ہیں:اللہ عَزَّ  وَجَلَّ اُس شخص پر رَحمت نازِل فرمائےجس نے ماہِ وِلادَت کی راتوں کو عِیْد بنا لیا۔

(مواہب لدنیہ،الاحتفال بالمولد،۱/۱۴۸)

(وسائل بخشش مرمم، ص۳۸۰)

صَلُّوْا عَلَی الْحَبِیْب!                                             صَلَّی اللّٰہُ تَعَالٰی عَلٰی مُحَمَّد

اگرتاجدارِ اَنبیا،مَحبوبِ کِبْرِیا صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی اِس دُنیائے ناپائیدار میں جَلوہ گَری نہ ہوتی تو یقیناً کوئی عِید،عِید ہوتی اور نہ ہی کوئی شَب،شَبِ قَدْر یا شَبِ بَرَاءَت ہوتی۔یہ عِیدیں اور مُبارَک راتیں ہمیں آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَہی کے صَدَقے میں مِلی ہیں۔لہٰذا ہمیں چاہئے کہ ہم عاشقوں کی اِس عِید پر ایک عظیمُ الشَّان نعمت ملنے کی خوشی میں جَشنِ وِلادَت کی اِس قَدَر دُھومیں مچائیں کہ شَیْطانِ لَعین دُم دبا کر بھاگ جائے۔اَلْحَمْدُلِلّٰہعَزَّ  وَجَلَّ نعمت ملنے پر خوشی کا اِظہار کرنا اور اِس دن عِید منانا تو