Book Name:Kiun Barhvi Pe He Sabhi Ko Pyar Aa Gya
ہزاروں سَعادَتیں اور بَرَکتیں لے کر آئی، ایسی نِرالی و حَسِین کسی کی پیدائش نہ ہوئی۔ میرےآقا صَلَّی اللہُ تَعَالٰی عَلَیْہِ وَاٰلِہٖ وَسَلَّمَ ! بھلا آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی طرح کا کون ہو سکتا ہے؟ ہاں ہاں! زمین و آسمان کے پیدا کرنے والے کی قسم ہے”آپ جیساکوئی نہیں۔“(شرحِ حدائقِ بخشش،ص۲۲۶)
نُورِ مُحَمَّدی یَکُم رَجَبُ الْمُرَجَّب شَب ِ جُمعَہ کو مُنْـتَـقِل ہُوا،جبکہ حضرت سَیِّدُنا اِمام وَاقِدِی رَحْمَۃُ اللّٰہ ِ تَعَالٰی عَلَیْہ کے نزدیک یہ جُمَادَی الْاُخْریٰ کی پندرہویں رات تھی۔ اِس رات ہر گھر اور مَکان میں نُور داخِل ہو گیا۔ حضرت سیِّدُنا اِبنِ عَبّاس رَضِیَ اللّٰہُ تَعَالٰی عَنْہُما فرماتے ہیں:اِس رات قُرَیْش کے ہر چوپائے نے(بَزَبانِ فَصِیْح)کَلام کرتے ہوئے کہا:رَسُوْلُ اللہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَاپنی والِدۂ ماجِدہ کے شِکَمِ اَطْہَر میں جَلْوَہ فَرما ہو چُکے ہیں،رَبّ ِکعبہ کی قسم! آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ دُنیا کے لئے اَمان اور اَہْلِ دُنیا کے چَراغ Light))ہیں۔(الروض الفائق،ص۲۴۲)
نِثار تیری چہل پہل پر ہزار عِیدیں رَبِیْعُ الْاَوَّل سِوائے اِبْلِیس کے جہاں میں سَبھی تو خوشیا ں مَنا رہے ہیں
زمانہ بھر میں یہ قاعِدہ ہے کہ جس کا کھانا اُسی کا گانا تو نعمتیں جِن کی کھا رہے ہیں اُنہِیں کے ہم گیت گا رہے ہیں
(رسائلِ نعیمیہ ،دیوان سالک ،ص۱۳)
سَرکار کی آمد مَرحبا٭سَردار کی آمد مَرحبا٭سَالار کی آمد مَرحبا٭مُختار کی آمد مَرحبا٭غمخوار کی آمد مَرحبا٭ تاجدار کی آمد مَرحبا٭شاندار کی آمد مَرحبا
٭مَرحبا یا مُصْطَفٰے٭مَرحبا یا مُصْطَفٰے٭مَرحبا یا مُصْطَفٰے ٭مَرحبا یا مُصْطَفٰے
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
میٹھے میٹھے اسلامی بھائیو!اِسلامی مہینوں میں رَبِیْعُ الْاَوَّل وہ عظیمُ الشَّان اور بابَرَکت مہینا ہے کہ جس کی اَہَمِیَّت کو مسلمانوں کا بچّہ بچّہ جانتا ہے،رَبِیْعُ الاوَّل شریف کِیا آتا ہے ہر طرف مدنی بہاریں