جَشنِ وِلادَت  کے لڈّوؤں میں بَرَکت

اَمیرِ اَہلسُنّت دَامَتْ بَـرَکاتُہُمُ الْعَالِیَہ  فرماتے ہیں کہ مُراد آباد(ہِنْد)میں ایک عاشِقِ رَسُول ہر سال رَبِیْعُ الاوَّل شریف میں دُھوم دھام سے میٹھے میٹھے آقا، مکّی مَدَنی مُصْطَفٰے صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کا جَشنِ وِلادَت  مَناتےاور زَبردَست مَحْفِلِ مِیْلاد مُنعَقِد فرماتے،سَرکارِ اعلیٰ حضر ت اِمام اَحمد رضا خان رَحْمَۃُ اللّٰہ ِتَعَالٰی عَلَیْہ کے خَلِیْفَہ،صاحِبِِ خَزائِنُ الْعِرفان حضرت صَدْرُ الاَفاضِل علّامہ مَوْلانا سَیِّد محمد نعیمُ الدِّین مُراد آبادی رَحْمَۃُ اللّٰہ ِتَعَالٰی عَلَیْہ اُس میں خُصوصی شِرکت فرماتے تھے۔ایک بار مَحْفِلِ مِیْلاد میں مَعْمول سے بَہُت زِیادہ اَفراد آگئے۔اِخْتِتَام پر حَسْبِ مَعمول پاؤ پاؤ بھر(تَقریباً 250 گرام)کے لڈّو کی تَقسیم شُروع ہوئی مگر وہ آدھوں آدھ کَم پڑنے لگے۔بانیِ مَحْفِل نے گھبرا کر حضرت صَدْرُ الاَفاضِل رَحْمَۃُ اللّٰہ ِتَعَالٰی عَلَیْہ کی خِدمتِ باکرامَت میں ماجَرا عَرْض کِیا،آپ نے اپنا رُومالHandkerchief))نکال کر دیا اور فرمایا:لڈّو کے بَرتن پر ڈالدیجئے اور تاکید فرمائی کہ تَبَرُّک رُومال کے نیچے سے نکال نکال کر تقسیم کیا جائے مگر بَرتن کھول کر نہ دیکھا جائے۔چُنانچِہ خُوب لڈّو تقسیم ہوئے اور ہر ہر فرد کو لڈّو مِل گیا۔آخِر میں جب بَرتن کھولا گیا تو رُومال اُڑھاتے وَقْت بَرتن میں جتنے لڈّو تھے اُتنے ہی اب بھی مَوْجُود تھے۔!(فیضانِ سنت،ص۳۵۵)

عِیدِ مِیْلادُالنَّبِی ہے دِل بڑا مَسْرُور ہے                ہر طرف ہے شادمانی رَنج و غَم کافُور ہے

جَشنِ مِیْلادُ النَّبِی ہے کیوں نہ جُھومیں آج ہم           مُسکراتی ہیں بہاریں سب فَضا پُر نُور ہے

آمِنہ تجھ کو مُبارَک شاہ کا مِیْلاد ہو                      تیرا  آنگن  نُور،تیرا  گھر  کا  گھر سب  نُور  ہے

(وسائل بخشش،ص ۴۸۳،۴۸۴)

سَرکار کی آمد مَرحبا٭سَردار کی آمد مَرحبا٭سالار کی آمد مَرحبا٭مُختار کی آمد مَرحبا٭غمخوار کی آمد مَرحبا ٭تاجدار کی آمد مَرحبا٭شاندار کی آمد مَرحبا

٭ مرحبا یا مُصْطَفٰے٭مَرحبا یا مُصْطَفٰے٭مَرحبا یا مُصْطَفٰے٭ مَرحبا یا مُصْطَفٰے