Book Name:Kiun Barhvi Pe He Sabhi Ko Pyar Aa Gya
صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ جانِ کائنات بلکہ کائنات کا وُجُود ہی آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے قَدَموں کی دُھول ہے،اگر سَرکارِ مَکَّۂ مُکَرَّمَہ،سَردارِ مَدِیْنَۂ مُنَوَّرَہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَتشریف نہ لاتے تو اِس دُنیا میں نہ جِنّ ہوتے نہ اِنسان،نہ سُورج ہوتا نہ چاند،نہ زَمین ہوتی نہ آسمان ،نہ جَنَّت و دوزخ ہوتے، نہ ہی حُور وغِلمان،نہ لَوْح وقَلم ہوتے نہ عَرْش وکُرسِی۔اَلْغَرَض حُضُورِ پاک،صاحِبِ لَولاک،سَیّاحِ اَفلاک صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی ذاتِ پاک ہی مَقْصَدِ تخلیقِ کائنات ہے چُنانچہ
میرے آقاسیدی اعلیٰ حضرترَحمۃ اللہ تعالٰی علیہ اِسی طرف اِشارہ کرتے ہوئے اپنے مجموعۂ کلام"حدائقِ بخشش"میں کچھ یوں لب کُشائی فرماتے ہیں:
زمین و زماں تمہارے لئے مَکِین و مکاں تمہارے لئے چُنین و چُناں تمہارے لئے بنے دو جہاں تمہارے لئے
دَہن میں زباں تمہارے لئے بدن میں ہے جاں تمہارے لئے ہم آئے یہاں تمہارے لئے اُٹھیں بھی وہاں تمہارے لئے
(حدائق بخشش، ص348)
مختصروضاحت:ميرے آقا صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ! کائنات اوراس میں بسنے والی تمام اشیا کوآپ ہی كی خاطر پیدا کیا گیا ہے،ہماری زبانیں،ہماری زندگیاں،ہمارا اس دنیا میں آنا سب آپ ہی کے کرم کا صدقہ ہے اور بروزِ محشر بھی(اِنْ شَآءَ اللہعَزَّ وَجَلَّ) آپ ہی کی شانِ یکتائی دیکھنے کیلئے اُٹھیں گے۔
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
حضرت سَیِّدُنا عَبْدُاللہ بِن عَبَّاس رَضِیَ اللّٰہُ تَعَالٰی عَنْہُما سے رِوایت ہے کہاللہ عَزَّ وَجَلَّ نے حضرت سَیِّدُنا عِیْسیٰ رُوحُ اللہ عَلٰی نَبِیِّنَا وَ عَلَیْہِ الصَّلٰوۃُ وَالسَّلَام کو وَحی بھیجی:اے عِیْسیٰ!محمد(صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ) پر اِیمان لا! اورتیری اُمَّت میں سے جو لوگ اُن کا زَمانہ پائیں،اُ نہیں بھی حکم کرنا کہ اُن پر ایمان لائیں کیونکہ اگر محمدِ عَرَبی(صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ)کی ذاتِ گِرامی نہ ہوتی تو نہ میں آدم کو پیدا کرتا، نہ ہی جَنَّت و دوزخ بناتا۔جب میں نے عَرْش کو پانی پر بنایا تو اُس وَقْت وہ حَرَکت کررہا تھا۔میں نے اُس پر”لآاِلٰہَ اِلَّا اللّٰہُ مُحَمَّدٌ