Share this link via
حلال کے فضائل اور حرام کی وعیدیں
میٹھے میٹھے اسلامی بھائیو! اِسلام میں حَلال و طَیِّب کھانے کی کِس قَدَر اَہَمِیَّت ہے اِس کا اَندازہ اِس بات سے لگائیے کہ خُوداس پَرْوَرْدگار عَزَّ وَجَلَّ نے اپنے پاکیزہ کلام میں حَلال و پاکیزہ روزی کھانے کے مُتَعَلِّق وَاضح اَحکام اِرْشاد فرمائے ہیں،چنانچہ پارہ7سُوْرَہ مَائِدہ کی آیت نمبر88میں اِرْشادِ رَبَّانی ہے:
وَ كُلُوْا مِمَّا رَزَقَكُمُ اللّٰهُ حَلٰلًا طَیِّبًا۪-وَّ اتَّقُوا اللّٰهَ الَّذِیْۤ اَنْتُمْ بِهٖ مُؤْمِنُوْنَ(۸۸) (پ۷،المائدۃ:۸۸)
ترجَمۂ کنز الایمان:اور کھاؤ جو کچھ تمہیں اللہ نے روزی دی حَلال پاکیزہ اور ڈرو اللہ سے جس پر تمہیں اِیمان ہے۔
پارہ2سُوْرَۂ بَقَرَۃآیت نمبر168 میں اِرْشادِ باری تعالیٰ ہے:
یٰۤاَیُّهَا النَّاسُ كُلُوْا مِمَّا فِی الْاَرْضِ حَلٰلًا طَیِّبًا ﳲ وَّ لَا تَتَّبِعُوْا خُطُوٰتِ الشَّیْطٰنِؕ-اِنَّهٗ لَكُمْ عَدُوٌّ مُّبِیْنٌ(۱۶۸)(پ۲،البقرۃ:۱۶۸)
ترجَمۂ کنز الایمان:اے لوگوں کھاؤ جو کچھ زمین میں حَلال پاکیزہ ہے اورشیطان کے قدم پر قدم نہ رکھو بیشک وہ تمہارا کُھلا دُشمن ہے ۔
حلال و طیّب رزق سے کیا مراد ہے؟
تفسیر صِراطُ الْجِنان میں ہے کہ حلال و طیّب سے مُراد وہ چیز ہے جو بذات ِ خُود بھی حلال ہے ،جیسے بکرے کا گوشت،سبزی، دال وغیرہ اور ہمیں حاصل بھی جائز ذریعے سے ہو یعنی چوری، رشوت، ڈکیتی وغیرہ کے ذریعے نہ ہو۔(صراط الجنان،پ۲،البقرۃ،تحت الآیۃ:۱۶۸،۱/۲۶۸)
رزقِ حلال دے مجھے اے میرے کِبْریا دیتا ہوں واسطہ تجھے تیرے حبیب کا
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
حضرت سَیِّدُنا یحیی بن معاذ رَحْمَۃُ اللّٰہ ِتَعَالٰی عَلَیْہ فرماتے ہیں: اطاعت اللہ عَزَّ وَجَلَّ کے خزانوں میں پوشیدہ ہے اور اس کی چابی دُعا ہے اور حلال کھانااس چابی کے دندانے ہیں، اگر چابی میں دَندانے نہیں
BOOK TOPIC
- دُرُود شریف کی فضیلت
- بَیان سُننے کی نیّتیں
- عیب دار چیز بِکنے پر رَدِّ عمل
- حلال کھانے کی اہمیَّت
- رزقِ حلال کی تلاش میں سفر
- حلال طریقے سے کمانے کے50 مدنی پھول
- مالِ حرام کا وبال
- بارگاہِ الٰہی میں دعویٰ
- سیدنا امام ابنِ جوزی کی نصیحت
- سیدنا بہاءُ الدین زکریا ملتانی کى تاکىد
- دُعاقبول نہ ہونے کاسبب
- مدنی کاموں میں سے ایک مدنی کام”مدرسۃ المدینہ بالغان“
- اِسی ماحول نے ادنیٰ کو اعلیٰ کردیا دیکھو
- مجلسِ رابطہ بالعلماوالمشائخ
- سونے جاگنے کی سنتیں اور آداب
