راتوں کو مُسلسل جاگنے کی وجہ سے جسم مکمل آرام سے محروم ہوگیا… صِحَّت پر بُرا اَثَر پڑنے لگا… گانے باجے سُننے اور فلمیں ڈرامے دیکھنے کا رُجْحان بڑھ گیا… گھر گھر میں سنیما بلکہ ایک ایک گھر میں کئی کئی سنیما کُھل گئے…اِنْتِہائی شرمناک فلمی مناظر دیکھنے کی راہ میں حائل رکاوٹیں ختم ہوگئیں…نوجوان وقت سے پہلے ہی بڑھاپے کی دَہلیز پر قدم رکھنے لگے … پڑھائی میں دِلْچَسپی اور کام کاج میں پُھرتی اور یکسوئی ختم ہوگئی…سُستی اور کاہلی عام ہوگئی اور آدمی آرام پسند ہوگیا…اَجْنبی عَورَتوں اور غیر مَحْرم لڑکیوں سے تانک جھانک میں کئی گُنا اضافہ ہوگیا…بے حیائی کا راستہ وسیع اور بدکاری کاراستہ اِنْتِہائی آسان ہوگیا…موبائل فون  پر سیٹ کی گئی(یعنی لگائی ہوئی) موسیقی کی دُھنوں اور گانے کے واہِیّات(فضول) کلمات سے مسجدوں کا اِحْتِرام اور تقدُّس پامال ہوگیا…مسجد کے پُرکیف ماحول میں ذکر و اَذْکار ، تلاوتِ قرآن اور سنّتوں بھرے درس و بیان کرنے، سُننے والوں کی توجّہ اور کَیْف و سُرور مُتَاَثِّر ہونے لگا، حتّی کہ اپنے یا کسی اَور کے موبائل کی وجہ سے نمازجیسی اَہَم عبادت کی بھی خُشُوع  و خُضُوع کے ساتھ ادائیگی دُشوار ہوگئی۔

فریاد ہے اے کشتیِ اُمّت کے نگہباں               بیڑا یہ تباہی کے قریب آن لگا ہے

دیکھے ہیں یہ دن اپنی ہی غفلت کی بدولت         سچ ہے کہ بُرے کام کا انجام بُرا ہے

صَلُّوْا عَلَی الْحَبِیْب!                 صَلَّی اللّٰہُ تَعَالٰی عَلٰی مُحَمَّد

گانے باجے غیرتِ انسانی کا گلا گھُونٹ دیتے ہیں

       میٹھے میٹھے اسلامی بھائیو!یہ تو موبائل فون کی بہت سی بُرائیوں میں سے چند ایک کا مختصر تَذکِرَہ کِیا گیا ہے،ان بُرائیوں میں سے بعض اپنے دامن میں مزید بہت سی بُرائیوں کو لئے ہوئے ہیں۔ مثلاً گانے باجے ہی کو لے لیجئے کہ موبائل کی وجہ سے گانے باجے سُننے کا رُجحان بڑھ رہا ہے،بلکہ اب تو مَعَاذَ اللہ  عَزَّ  وَجَلَّموبائل کے ذریعے یہ گناہ اس قدر آسان ہوگیا ہے کہ نہ صرف گانے باجے سُن کر کانوں کو حرام سے پُر کرنے بلکہ اس کے ساتھ بیہودہ وشرمناک مناظردیکھ کرآنکھوں کو حرام سے پُر