د تلونکو] ګمراهانو برابر ګناه وي او دا به د هغوئي د ګناهونو نه هيڅ کم نۀ کړي۔ ^([1])          * اِمام محمد بن محمد غزالي رَحْمَةُ اللهِ عَلَيْه فرمائي: يو ځل حضرت موسیٰ کليمُ الله عَلَیْهِ السَّلَام د الله پاک پۀ بارګاه کښې عرض اوکړو: اے زما الله پاکه! څوک چې خپل ورور ته د نيکۍ حکم اوکړي او د ګناهونو نه يـې منع کړي۔ د هغۀ بدله څۀ ده؟ الله پاک وفرمائيل: زۀ د هغۀ د هرې خبرې پۀ بدل د يو يو کال د عبادت ثواب ليکم او هغۀ ته د دوزخ پۀ سزا ورکولو ما له حيا راځي۔ ^([2]) * پۀ يو بل روايت کښې دي: الله پاک حضرت موسیٰ کليم الله عَلَیْهِ السَّلَام ته وحي وفرمائيله چې چا د نيکۍ حکم اوکړو او د ګناه نه يـې منع اوکړه او خلق يـې زما د اِطاعت (فرمانبردارۍ) طرف ته راوبلل، د قيامت پۀ ورځ به زما د عرش د سوري لاندې وي۔ ^([3]) * د حضرت کَعبُ الاَحبَار رَضِىَ اللهُ عَـنْهُ اِرشاد دے: جَنَّتُ الفِردوس خاص د هٰغه کَس د پاره دے څوک چې اَمْر بِالْمعْرُوْف وَنَہْی عَنِ الْمُنْکَر (يعنې د نيکۍ حکم کوي او د ګناه نه منع کول) کوي۔ ^([4]) * اِمام جلال الدِين سيوطي شافعي رَحْمَةُ اللهِ عَلَيْه پۀ شَرحُ الصَّدور کښې نقل کړي دي چې الله پاک حضرت سيِّدُنا موسیٰ کَلِيمُ الله عَلَیْهِ السَّلَام ته وحي وفرمائيله: د نيکۍ خبرې پخپله هم زده کړه او نورو ته يـې هم وښايه، زۀ به د نيکۍ د زده کوونکو او ښودونکو قبرونه روښانه کووم د پاره د دې چې د هغوئي سره هيڅ قِسمه ويره نۀ وي۔ ^([5])

مجھے تم یارسولَ اللہ دے دو جذبۂ تبلیغ

شہا!  دیتا  پھروں  نیکی  کی  دعوت  یارسولَ  اللہ^([6])