صَلُّو ْا عَلَی الْحَبِیْب!                                                                                               صَلَّی  اللہ  عَلٰی مُحَمَّد

بَیان سُننے کی نیّتیں

فرمانِ مصطفےٰ  صَلّی  اللہ  عَلَیْہ وآلِہ وسَلَّم :اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ^([1]) اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاً نیت کیجئے! *عِلْم حاصل کرنے کے لئے پورا بیان سُنوں گا  * با اَدب بیٹھوں گا *دورانِ بیان سُستی سے بچوں گا  *اپنی اِصْلاح کے لئے بیان سُنوں گا  *جو سُنوں گا دوسروں تک پہنچانے  کی کوشش کروں گا۔

صَلُّو ْا عَلَی الْحَبیب!                                                                                               صَلَّی  اللہ  عَلٰی مُحَمَّد

پیارےاسلامی بھائیو!اَلْحَمْدُلِلّٰہ اِسلام(Islam)ایک امن پسند،سچا، پیارا، کامل و اکمل،انتہائی تیزی کے ساتھ پھیلتا ہواعالمگیرمذہب ہے،اسلام وہ واحد مذہب ہے جس  کے ماننے اور چاہنے والوں کی تعداد پوری دنیا میں سب سےزیادہ ہے،اسلام میں دینی،دنیاوی،اُخروی، اخلاقی،ظاہری،باطنی،گھریلو،خاندانی،معاشرتی اورمعاشی بلکہ ہر اعتبار سے زندگی کے تمام شعبہ جات سے وابستہ افراد کے لئے بہترین اُصول و ضوابط اور شاندار ہدایات موجود ہیں،جو اس حقیقت کو ثابت کرتے ہیں کہ”اسلام مکمل ضابِطۂ حیات ہے“۔اَلْحَمْدُ لِلّٰہصرف اسلام ہی اللہ  پاک کا پسند یدہ دِین ہے،چنانچہ

پارہ6سورۃُ المائدہ کی آیت نمبر3 میں ربِّ کریم کا فرمانِ حقیقت بنیاد ہے:

اَلْیَوْمَ اَكْمَلْتُ لَكُمْ دِیْنَكُمْ وَ اَتْمَمْتُ عَلَیْكُمْ نِعْمَتِیْ وَ رَضِیْتُ لَكُمُ الْاِسْلَامَ دِیْنًاؕ-

(پ۶،المائدہ :۳)

ترجَمۂ کنزالعرفان:آج میں نے تمہارے لئے تمہارا دین مکمل کردیا اور میں نے تم پراپنی نعمت کردی اور