دفن کرنے کے بعد جب لوگ واپس ہوجاتے توآپ رَحْمَۃُ اللّٰہ عَلَیْہ اکیلے اس کی قبر کے پاس تشریف فرما  ہوکر اس کے حق میں مغفرت ونجات کی دعا فرماتے ،اس کے گھر والوں کو صبر کی تلقین کرتے اور انہیں تسلّی دیا کرتے ۔(بہتر کون،ص۶۲)

صَلُّوْا عَلَی الْحَبِیْب!                                                                       صَلَّی اللّٰہُ عَلٰی مُحَمَّد

معاشی لحاظ سے اسلامی رہنمائی کے روشن پہلو

پیارے اسلامی بھائیو!تجارت ایک مقدَّس پیشہ ہے اورانبیائے کرام عَلَیْہِمُ السَّلَام کی پیاری پیاری سُنّت بھی،جس میں بہت برکتیں رکھی گئی ہیں۔اَلْحَمْدُ لِلّٰہ تجارتی معاملات کو درست طریقے سے سرانجام دینے کے لئے اسلام میں ہمارے لئے واضح احکامات موجود ہیں،لہٰذا اگر تجارت سے وابستہ افرادان احکامات کو سیکھ کر ان کی روشنی میں فریْضۂ تجارت سرانجام دیں گے تو اِنْ شَآءَ اللہ  انہیں دنیا و آخرت کی بہت سی بھلائیاں اور برکتیں نصیب ہوں گی۔آئیے!اس تعلق سے2 فرامینِ مُصْطَفٰے صَلَّی اللّٰہُ عَلَیْہِ واٰلِہٖ وَسَلَّمَ سنئے،چنانچہ

(1)ارشاد فرمایا:بے شک گناہوں میں سے کچھ گناہ ایسے ہیں،جنہیں رزق کی طلب کاارادہ ہی مٹاسکتاہے۔(معجم اوسط،من اسمہ احمد،حدیث۱۰۲،۱/۴۲ملتقطاً)

(2)ارشاد فرمایا:سچا امانت دارتاجر(قیامت کے دن)انبیائے کرام عَلَیْہِمُ السَّلَام،صدّیقین اور شہیدوں رَحْمَۃُ اللّٰہ عَلَیْہِمْ اَجْمَعِیْن کے ساتھ ہوگا۔(ترمذی،کتاب البیوع،باب ماجاء فی التجار …الخ،۳/۵،حدیث: ۱۲۱۳)

حکیمُ الاُمَّت حضرت مفتی احمد یار خان نعیمی رَحْمَۃُ اللّٰہ عَلَیْہ بیان کردہ دوسری حدیثِ پاک کی شرح کرتے ہوئے فرماتے ہیں:اس سے معلوم ہوا!دیگر پیشوں سے تجارت اعلیٰ پیشہ ہے،پھر تجارت میں غَلَّہ کی،پھر کپڑے کی،پھر عطر کی تجارت افضل ہے۔ضروریاتِ زندگی اور ضروریاتِ دِینی کی تجارت دوسری تجارتوں سے بہتر پھرسچا تاجر مسلمان بڑا ہی خوش نصیب ہے کہ اسے نبیوں،ولیوں کے ساتھ