نہیں ہوگا، اللہ  پاک کی قسم!وہ(کامل)مومن نہیں ہوگا۔عرض کی گئی کون؟یارَسُوْلَ  اللہ  صَلَّی اللّٰہُ عَلَیْہِ واٰلِہٖ وَسَلَّمَ!ارشاد فرمایا:وہ شخص جس کا پڑوسی اس کی شرارتوں سے بے خوف نہ ہو۔(بخاری، کتاب الادب،باب اثم من لایامن جارہ بوائقہ ، ۴/ ۱۰۴، حدیث: ۶۰۱۶)

بیان کردہ احادیثِ مبارَکہ میں ان نادانوں کے لئے سبق ہے جو اپنے سُکون کی خاطر اپنے ہی پڑوسیوں کے کام آنے کے بجائے پیٹھ پھیر کر،غلط گاڑی کھڑی(Park) کرکے،گندہ پانی چھوڑ کر، اونچی آواز میں اسپیکر چلاکر،یا دیگر طریقوں سے انہیں تکلیف دینے میں کوئی شرمندگی (Shame) یا حرج محسوس نہیں کرتے،یقیناً ان کا یہ رویہ اسلامی تعلیمات کے خلاف ہے کیونکہ اسلام تو پڑوسیوں کے حقوق کا سب سے بڑا علمبردار ہے اور ہمیں یہی تعلیم ارشاد فرماتا ہے کہ اپنے پڑوسی کے لئے وہی پسند کرو جو تم اپنے لئے پسند کرتے ہو چنانچہ

رسولِ پاک صَلَّی اللّٰہُ عَلَیْہِ واٰلِہٖ وَسَلَّمَ کا فرمانِ عالیشان ہے:اس ذاتِ پاک کی قسم جس کے قَبضۂ قدرت ميں ميری جان ہے!بندہ اس وَقْت تک مؤمن نہيں ہو سکتا جب تک کہ اپنے پڑوسی يا  بھائی کے لئے وہی پسند نہ کرے جو اپنے لئے پسند کرتاہے۔( مسلم ،کتاب الاِیمان ، باب الدلیل علی ان من خصال الایمان …الخ،حدیث: ۴۵،ص۴۷)

اَلْحَمْدُلِلّٰہہمارے بزرگانِ دینرَحْمَۃُ اللّٰہ عَلَیْہِمْ اَجْمَعِیْن کی مبارَک زندگیاں اسلامی سانچے میں ڈھلی ہوئی ہوتی ہیں،یہی وجہ ہے کہ یہ حضرات اپنے پڑوسیوں کی خبر گیری کرنے میں ہمیشہ پیش پیش رہا کرتے ہیں۔آئیے! ترغیب کے لئے ایک ایمان افروز واقعہ سنتےہیں، چنانچہ

خواجہ غریب نواز رَحْمَۃُ اللّٰہ عَلَیْہاورپڑوسیوں کے حقوق

حضرت  خواجہ غریب نواز رَحْمَۃُ اللّٰہ عَلَیْہ اپنے پڑوسیوں کا بہت خیال رکھا کرتے ،ان کی خبر گیری فرماتے،اگر کسی پڑوسی کا انتقال ہوجاتاتو اس کے جنازے کے ساتھ ضرور تشریف لے جاتے،اس کو