صَلَّی اللہ عَلَیْہِ وَاٰلِہٖ وَسَلَّم کی نعت ہے۔

                             سورۂ وَالضُّحیٰ  ہی کودیکھ  لیجئے،یہ مکمل سورت ہی رسولِ کریم  صَلَّی اللہ عَلَیْہِ وَاٰلِہٖ وَسَلَّمکی تعریف  پر مشتمل ہے،بالخصوص اِس کی ابتدائی 2 آیات میں تو  بڑے ہی نِرالے انداز میں مصطفے کریم  صَلَّی اللہ عَلَیْہِ وَاٰلِہٖ وَسَلَّمکےمبارَک  چہرےکو چاشت  کے ساتھ اور مبارَک زُلفوں کو رات کے اندھیرے سے تشبیہ دی گئی ہے،چنانچہ

                             ربِّ کریم ارشاد فرماتاہے:

 وَ الضُّحٰىۙ(۱) وَ الَّیْلِ اِذَا سَجٰىۙ(۲) (پ:۳۰، الضحیٰ:۲،۱)

تَرْجَمَۂ کنز العرفان:چڑھتے دن کے وقْت کی قسم۔اور رات کی جب وہ ڈھانپ دے۔

                                                حضرت امام فخر ُالدِّین رازی  رَحْمَۃُ اللہ عَلَیْہ”تفسیرِ کبیر“ میں لکھتے ہیں:’’وَالضُّحٰی‘‘سےمُراد ہے مصطفے صَلَّی اللہ عَلَیْہِ وَاٰلِہٖ وَسَلَّم کے روشن چہرے کی قسم اور ”وَالَّیْل“ سے مراد ہے آپ صَلَّی اللہ عَلَیْہِ وَاٰلِہٖ وَسَلَّم کی کالی زُلفوں کی قسم۔  (تفسیر کبیر، ۱۱/۱۹۱ماخوذاً)  

اللہ پاک نے اپنے محبوبِ کریم صَلَّی اللہ عَلَیْہِ واٰلِہٖ وَسَلَّمَ کی مبارَک گفتگو کی قسم یاد فرماتے ہوئے اِرشاد فرمایا:

وَ قِیْلِهٖ یٰرَبِّ اِنَّ هٰۤؤُلَآءِ قَوْمٌ لَّا یُؤْمِنُوْنَۘ(۸۸) (پ۲۵،الزخرف:۸۸)

ترجَمۂ کنز ُ العرفان: رسول کے اِس کہنے کی قسم کہ اے میرے رب!یہ لوگ ایمان نہیں  لاتے۔

                             اللہ كريم نے اپنے محبوبِ کریم صَلَّی اللہ عَلَیْہِ واٰلِہٖ وَسَلَّمَ کے مُقَدَّس شہر کی قسم یاد فرمائی اور اِرشاد فرمایا:

 لَاۤ اُقْسِمُ بِهٰذَا الْبَلَدِۙ(۱) (پ۳۰،البلد:۱)

ترجَمۂ کنز العرفان :مجھے اُس شہر کی قسم۔

صَلُّو ْا عَلَی الْحَبیب!                            صَلَّی اللہ عَلٰی مُحَمَّد

پیارےاسلامی بھائیو!دنیا کاقانون ہےکہ بادشاہ جب اپنےدرباریوں میں سے کسی کو اپنی عنایتوں سےمخصوص  کرتےہیں تو اُسےایسے خاص انعامات عطا کرتے ہیں، جس سے اُس کا مقام و مرتبہ